فوتو: Akorda.kz
پرەزيدەنت قاسىم-جومارت توقاەۆتىڭ جامبىل وبلىسىنا جۇمىس ساپارى جازۋشى شەرحان مۇرتازا ەسكەرتكٸشٸنە گٷل شوعىن قويۋدان باستالدى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى ەسكەرتكٸشتٸڭ جانىندا جەرگٸلٸكتٸ زييالى قاۋىم ٶكٸلدەرٸمەن جٷزدەسٸپ, بەلگٸلٸ قالامگەردٸڭ ۇلت رۋحانيياتىن دامىتۋعا زور ٷلەس قوسقانىن ايتتى.
– شەراعاڭ – حالقىمىزدىڭ بٸرتۋار ازاماتى, زاڭعار جازۋشى دەسەك ارتىق ايتقاندىق ەمەس. جاس كەزٸمٸزدەن باستاپ بٸز بەرٸمٸز ونىڭ «قىزىل جەبە» رومانىن, باسقا دا شىعارمالارىن وقىدىق. ەسٸرەسە, «بٸر كەم دٷنيە» تۋىندىسى ەلٸ كٷنگە دەيٸن ٶزەكتٸ. حالقىمىزعا, ەسٸرەسە, جاستارعا رۋحاني ازىق بولعان دٷنيە دەپ ايتۋعا بولادى. سوندىقتان جازۋشىنىڭ ەسكەرتكٸشٸنە ارنايى كەلٸپ, تاعزىم ەتٸپ وتىرمىز,– دەدٸ قاسىم-جومارت توقاەۆ.
كەزدەسۋ بارىسىندا جەرگٸلٸكتٸ زييالى قاۋىم ٶكٸلدەرٸ ەلدٸ تولعاندىراتىن مەسەلەلەردٸ ايتىپ, ٶز ويلارىن ورتاعا سالدى. ولار مەملەكەت باسشىسىنىڭ باستاماسىمەن جٷرگٸزٸلٸپ جاتقان قوعامدىق-ساياسي رەفورمالاردى قولدايتىنىن جەتكٸزٸپ, شىعارماشىلىق ادامدارىنا مەملەكەتتٸڭ كٶرسەتٸپ جاتقان قامقورلىعى ٷشٸن العىس ايتتى.
پرەزيدەنت جازۋشىنىڭ بالاسى رەتٸندە شىعارماشىلىق ادامدارىن ەرقاشان قولدايتىنىن اتاپ ٶتتٸ. سونداي-اق ەلٸمٸز دامىپ, ٶركەندەۋٸ ٷشٸن الداعى ساياسي ناۋقاندار كەزٸندە دە, ەڭ الدىمەن, اۋىزبٸرشٸلٸك قاجەت ەكەنٸنە نازار اۋداردى.
– ەڭ باستى مەسەلە – ەدٸل, اشىق بولۋ كەرەك. وسىنداي لايىقتى ادامدار بٸزدٸڭ پارلامەنتكە كەلسە, ەلٸمٸزدٸڭ دامۋىنا ٷلەس قوسادى دەپ ٷمٸتتەنەمٸن. دٷنيەجٷزٸندە بولىپ جاتقان جاعدايدى ٶزدەرٸڭٸز جاقسى بٸلەسٸزدەر. ٸشكٸ ساياسات تا, سىرتقى ساياسات تا سىندارلى, سالماقتى بولۋى كەرەك. ەڭ باستى مٸندەتٸمٸز – مەملەكەتتٸلٸگٸمٸزدٸ ساقتاپ قالۋ. سىن-قاتەرلەر از ەمەس. سوندىقتان بەرٸمٸز بٸر ەل, بٸر حالىق, بٸر ۇلت بولىپ ۇيىسىپ, ەل ٷشٸن قىزمەت ەتەيٸك, – دەدٸ مەملەكەت باسشىسى.
