فوتو: اقوردا
قاسىم-جومارت توقاەۆ ەرٸكتٸلەردٸڭ ەڭبەگٸن ەرەكشە باعالاپ, ۆولونتەر بولۋ, ەڭ الدىمەن, ناعىز وتانشىل ازامات بولۋ, ياعني, پاتريوت بولۋ دەگەن سٶز دەدٸ. بۇل تۋرالى Ult.kz حابارلايدى.
پرەزيدەنت «تازا قازاقستان» اياسىندا ٶتە اۋقىمدى جۇمىس اتقارىلعانىن, ميلليونداعان توننا قوقىس جينالىپ, كٶشەت ەگٸلگەنٸن تٸلگە تيەك ەتتٸ.
مەملەكەت باسشىسى تابيعاتتى ايالاۋ, تازالىق مەدەنيەتٸن ەربٸر ازاماتتىڭ, ەسٸرەسە, جاس ۇرپاقتىڭ ساناسىنا سٸڭٸرۋ ٶزەكتٸ دەپ سانايدى.
– مىسالى, قوقىستى سۇرىپتاۋ, سۋ مەن جارىقتى ٷنەمدەۋ, قوعامدىق ورىندى بٷلدٸرمەۋ – اسا ماڭىزدى. بۇل بٸزدٸڭ قوعامنىڭ قالىپتى قاعيداتىنا اينالۋى قاجەت. ەكولوگييالىق اعارتۋ ٸسٸنە ايرىقشا مەن بەرگەن جٶن. مۇنى «تازا قازاقستان» كامپانيياسىنىڭ نەگٸزگٸ باعىتتارىنىڭ بٸرٸ دەۋگە بولادى. ۋاقىت ٶتكەن سايىن كٶپتەگەن ادامداردىڭ قورشاعان ورتانى ايالاۋعا, قورعاۋعا ۇمتىلىپ جاتقانىن كٶرٸپ وتىرمىز. ازاماتتارىمىز ەكولوگييالىق تالاپتاردى ساقتاپ, ونى سانالى تٷردە ٶمٸر سالتىنا اينالدىرىپ كەلەدٸ. مەن جاڭا عانا كٶرمەنٸ ارالادىم. وندا ەكولوگيياعا مەن بەرگەن كەسٸپورىندارىمىزدىڭ جۇمىستارى قويىلعان. ولارعا ريزاشىلىعىمدى بٸلدٸرەمٸن. قوعامدا جاڭا ەكولوگييالىق مەدەنيەت قالىپتاسىپ جاتىر. تۇتاس ەلدٸڭ سانا-سەزٸمٸ ٶزگەرە باستادى. جاستارىمىز مۇنى تەرەڭ تٷسٸنەدٸ, – دەدٸ پرەزيدەنت.
