Foto: Aqorda
Qasym-Jomart Toqaev eriktilerdiń eńbegin erekshe baǵalap, volonter bolý, eń aldymen, naǵyz otanshyl azamat bolý, iaǵni, patriot bolý degen sóz dedi. Bul týraly Ult.kz habarlaidy.
Prezident «Taza Qazaqstan» aiasynda óte aýqymdy jumys atqarylǵanyn, milliondaǵan tonna qoqys jinalyp, kóshet egilgenin tilge tiek etti.
Memleket basshysy tabiǵatty aialaý, tazalyq mádenietin árbir azamattyń, ásirese, jas urpaqtyń sanasyna sińirý ózekti dep sanaidy.
– Mysaly, qoqysty suryptaý, sý men jaryqty únemdeý, qoǵamdyq oryndy búldirmeý – asa mańyzdy. Bul bizdiń qoǵamnyń qalypty qaǵidatyna ainalýy qajet. Ekologiialyq aǵartý isine airyqsha mán bergen jón. Muny «Taza Qazaqstan» kampaniiasynyń negizgi baǵyttarynyń biri deýge bolady. Ýaqyt ótken saiyn kóptegen adamdardyń qorshaǵan ortany aialaýǵa, qorǵaýǵa umtylyp jatqanyn kórip otyrmyz. Azamattarymyz ekologiialyq talaptardy saqtap, ony sanaly túrde ómir saltyna ainaldyryp keledi. Men jańa ǵana kórmeni araladym. Onda ekologiiaǵa mán bergen kásiporyndarymyzdyń jumystary qoiylǵan. Olarǵa rizashylyǵymdy bildiremin. Qoǵamda jańa ekologiialyq mádeniet qalyptasyp jatyr. Tutas eldiń sana-sezimi ózgere bastady. Jastarymyz muny tereń túsinedi, – dedi Prezident.
