مەملەكەت باسشىسى قاسىم-جومارت توقاەۆ ۋتيلالىم تٶڭٸرەگٸندەگٸ داۋعا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«بٷگٸندە بيزنەستٸڭ اۆتوموبيلدەرگە, بٸرٸنشٸ كەزەكتە جارتىلاي تٸركەمەلٸ كٶلٸكتەرگە سالىناتىن ۋتيل الىمدى قايتا قاراۋ تۋرالى شاعىمى كٶپ. بٸر جٷك تارتقىش ٷشٸن ۋتيل الىم ورتاشا ەسەپپەن 1 ملن تەڭگە بولىپ وتىر. جٷك تاسىمالداۋشىلار ٷشٸن ۋتيل الىمى ايتارلىقتاي سالماق. بۇل اۆتوپاركتٸڭ جاڭارۋىنا كەرٸ ەسەر ەتۋدە», - دەدٸ پرەزيدەنت.
مەملەكەت باسشىسىنىڭ ايتۋىنشا, وسىنىڭ سالدارىنان ەلٸمٸز حالىقارالىق جٷك تاسىمالى نارىعىنداعى تابىستىڭ كٶپ بٶلٸگٸ كٶرشٸ ەلدەرگە كەتٸپ جاتقان كٶرٸنەدٸ.
«قازاقستاندا حالىقارالىق جٷك تاسىمالىنا 7,5 مىڭ تٸركەمەلٸ كٶلٸكتەر جۇمىس ٸستەيدٸ. رەسەيدٸڭ حالىقارالىق تاسىمالىندا - 34 مىڭ, بەلاۋر ەلٸندە - 15 مىڭ, ٶزبەكستاندا 8 مىڭ كٶلٸك قاتىسۋدا. وتاندىق كەسٸپورىندار نارىقتا ورنىن جوعالتۋدا. كٶرشٸلەرٸمٸزدەن ۇتىلىپ جاتىرمىز دەگەن سٶز. 2017 جىلدان بەرٸ وتاندىق تاسىمالداۋشىلاردىڭ حالىقارالىق تاسىمال نارىعىنداعى ٷلەسٸ 1,5 ەسەدەن استام قىسقارعان. سوندىقتان, ٷكٸمەتكە بۇل سالاداعى ساياساتتى جەتٸلدٸرۋ, ونىڭ ٸشٸندە ۋتيلالىم بويىنشا ۇسىنىس دايىنداۋى كەرەك», - دەدٸ قاسىم-جومارت توقاەۆ.
