مەديتسينا قىزمەتكەرلەرٸنە تٶلەماقىنى جالعاستىرۋ ٷشٸن ٷكٸمەت قوسىمشا 71,5 ميلليارد تەڭگە بٶلەدٸ. بٷگٸن استانادا «التىن جٷرەك» ەسكەرتكٸشٸنٸڭ اشىلۋ رەسٸمٸنە قاتىسقان قر پرەزيدەنتٸ قاسىم-جومارت توقاەۆ وسىلاي ايتتى, دەپ حابارلايدى "ۇلت اقپارات".
ايتا كەتەيٸك, پرەزيدەنت دەرٸگەرلەرگە ارناپ ەسكەرتكٸش ورناتۋ تۋرالى تاپسىرمانى بىلتىر «بٸز بٸرگەمٸز» جالپىۇلتتىق ونلاين-فورۋمىندا بەرگەن ەدٸ.
«بۇل – جاھاندىق دەرتكە قارسى كٷرەسكەن وتانداستارىمىزعا دەگەن ەل قۇرمەتٸنٸڭ بەلگٸسٸ. سونداي-اق حالىقتىڭ ادال پەرزەنتتەرٸنە ىستىق ىقىلاسىنىڭ كٶرٸنٸسٸ. ەسكەرتكٸش ەل باسىنا قيىندىق تۋعان سەتتە قاھارماندىق كٶرسەتكەن جانداردىڭ رۋحىنا تاعزىم ەتۋ ورنىنا اينالادى», – دەدٸ پرەزيدەنت.
مەملەكەت باسشىسىنىڭ سٶزٸنە قاراعاندا, دەنساۋلىق ساقتاۋ سالاسىندا جۇمىس ٸستەيتٸن 10 مىڭعا جۋىق قىزمەتكەر كوروناۆيرۋس جۇقتىرىپ, ونىڭ 200-دەن استامى قايتىس بولعان. بىلتىر قازاقستان پرەزيدەنتٸنٸڭ جارلىعىمەن «حالىق العىسى» مەدالٸ بەكٸتٸلٸپ, پاندەميياعا قارسى كٷرەستە العى شەپتە بولعان كٶپتەگەن وتانداسىمىز ماراپاتتالدى. پرەزيدەنتتٸڭ ايتۋىنشا, بۇل ولاردىڭ قاجىرلى ەڭبەگٸ مەن ەرەن ەرلٸگٸنە دەگەن حالىقتىڭ ىستىق ىقىلاسىنىڭ بەلگٸسٸ. ماراپاتقا يە بولعان ازاماتتاردىڭ كٶپشٸلٸگٸ دەنساۋلىق ساقتاۋ سالاسىنىڭ قىزمەتكەرلەرٸ.
«كوروناۆيرۋسپەن كٷرەسكە اتسالىسقان دەرٸگەرلەرگە تٶلەنەتٸن تەك ٷستەمەاقى مەن ساقتاندىرۋ جەردەماقىلارى ٷشٸن 180 ميلليارد تەڭگەگە جۋىق قارجى بٶلٸندٸ. ٷكٸمەت بيىلعى قازان ايىنا دەيٸن تٶلەماقى بەرۋدٸ جالعاستىرۋ ٷشٸن وسى ماقساتقا قوسىمشا 71,5 ميلليارد تەڭگە بٶلەدٸ. بٸز دەرٸگەرلەردٸڭ ەڭبەكاقىسىن كەزەڭ-كەزەڭٸمەن ارتتىرۋدى باستادىق. بۇل ٷردٸس جالعاسا بەرەدٸ», – دەدٸ مەملەكەت باسشىسى.
پرەزيدەنت ٶز سٶزٸندە مەديتسينا قىزمەتكەرلەرٸن ەلەۋمەتتٸك تۇرعىدان قورعاۋدىڭ تيٸمدٸ جٷيەسٸن قۇرۋ ماڭىزدىلىعىنا نازار اۋداردى.
– بۇل جٷيەدە اۋىلدىق جەرگە كەلگەن ماماندارعا مٸندەتتٸ تٷردە تۇرعىن ٷي بەرۋ, بٸرجولعى جەردەماقى تٶلەۋ جەنە باسقا دا جەڭٸلدٸكتەر قامتىلعان. مۇنداي شارالار وبلىستار مەن قالالار ەكٸمدەرٸنٸڭ بەلسەندٸ اتسالىسۋىمەن ەلٸمٸزدٸڭ بارلىق ٶڭٸرٸندە قابىلدانۋعا تيٸس, – دەدٸ قاسىم-جومارت توقاەۆ.
سونىمەن قاتار پرەزيدەنت تەك قارجىلاي ىنتالاندىرۋدىڭ جەتكٸلٸكسٸز ەكەنٸن ايتتى.
– مەديتسينا قىزمەتكەرلەرٸنٸڭ مورالدىق جەنە زاڭدىق جاۋاپكەرشٸلٸگٸ ارتىپ كەلەدٸ. ازاماتتار تاراپىنان قويىلاتىن تالاپ تا جوعارى. كٶپتەگەن مامان قىسىمعا شىداماي, كەسٸبي تۇرعىدان قاجىپ, دەنساۋلىق ساقتاۋ سالاسىنان باس تارتۋدا. ٶكٸنٸشكە قاراي, بۇل الاڭداتارلىق جاعداي. اتالعان ٷردٸس ەلٸمٸزدە عانا ورىن الىپ وتىرعان جوق. سونداي-اق بٷكٸل ەلەمدە بەس ميلليوننان استام دەرٸگەر جەتٸسپەيدٸ. وسى ورايدا مەديتسينا قىزمەتكەرلەرٸنٸڭ قۇقىقتىق جەنە ەلەۋمەتتٸك تۇرعىدان قورعالۋىن بٸرتٸندەپ كٷشەيتۋ قاجەت. مەنٸڭ تاپسىرمام بويىنشا جىل سوڭىنا دەيٸن مەديتسينا قىزمەتكەرلەرٸنٸڭ كەسٸبي جاۋاپكەرشٸلٸگٸن ساقتاندىرۋ جٷيەسٸ ٸسكە قوسىلادى, – دەدٸ مەملەكەت باسشىسى.
