قر پرەزيدەنتٸ قاسىم-جومارت توقاەۆ «التىن ساپا» سىيلىعى جەڭٸمپازدارىن قۇتتىقتادى, دەپ حابارلايدى قازاقپارات.
«بٸز ساپالاى ٶنٸم ٶندٸرٸپ, تابىستى جۇمىس ٸستەپ جاتقان بيزنەس ٶكٸلدەرٸن جىل سايىن ماراپاتتايمىز. سونداي-اق, ەلەۋمەتتٸك باستامالاردى جٷزەگە اسىرۋعا بارىنشا اتسالىسىپ جٷرگەن ٸسكەر ازاماتتارعا قۇرمەت كٶرسەتەمٸز. سول ارقىلى جاسالعان ەڭبەك پەن شىنايى تابىستىلىقتى دەرٸپتەيمٸز. «التىن ساپا» بايقاۋى 15 جىلدان بەرٸ تۇراقتى ٶتكٸزٸلٸپ كەلەدٸ. بٷگٸنگە دەيٸن 150-دەن استام كومپانييا پرەزيدەنت سىيلىعىنىڭ يەگەرٸ اتاندى», - دەگەن مەملەكەت باسشىسى بيىلعى سالتاناتتى جيىن تەۋەلسٸزدٸكتٸڭ 30 جىلدىق مەرەيتويىمەن تۇسپا-تۇس كەلگەنٸن ەسكە سالدى.
«مۇنىڭ زور سيمۆولدىق مەنٸ بار. ەگەمەندٸك كەزەڭٸندە قازاقستاندا بيزنەستٸڭ دامۋىنا جان-جاقتى جاعداي جاسالدى. سونىڭ نەتيجەسٸندە جاڭا زامانعا ساي كەسٸپكەرلەر شوعىرى قالىپتاستى. ولار ۇلتتىق ەكونوميكانىڭ باستى قوزعاۋشى كٷشٸنە اينالدى. بٷگٸندە وتاندىق بيزنەس ەلٸمٸزدەگٸ يندۋسترييالاندىرۋ ٷدەرٸسٸنە زور ٷلەس قوسۋدا. سوڭعى 10 جىلدا ٶڭدەۋ ٶنەركەسٸبٸنٸڭ ەكونوميكاداعى ٷلەسٸ تاۋ-كەن سالاسىنىڭ كٶرسەتكٸشٸنەن اسىپ, 33 پايىزعا جەتتٸ. بٷكٸل ەلٸمٸز بويىنشا 1500 جاڭا ٶندٸرٸس ٸسكە قوسىلدى. بۇل ماقساتقا 9 ترلن تەڭگەدەن استام ينۆەستيتسييا جۇمسالدى. 820 مىڭنان استام تۇراقتى جۇمىس ورنى اشىلدى. بىلتىر ٶڭدەۋ ٶنەركەسٸبٸنٸڭ ەكسپورتى ٷش ەسە ٶسٸپ, 15,4 ملرد دوللارعا جەتتٸ. قازاقستاندا ٶڭدەلگەن ٶنٸمدەر بٷگٸندە 131 مەملەكەتكە ەكسپورتتالادى», - دەدٸ پرەزيدەنت.
