فوتو: اقوردا
مەملەكەت باسشىسى قاسىم-جومارت توقاەۆ شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆتى قابىلداپ, ٶڭٸردٸڭ ەلەۋمەتتٸك-ەكونوميكالىق دامۋىنىڭ قورىتىندىلارى مەن الداعى جوسپارلارىن تالقىلادى, دەپ حابارلايدى Ult.kz.
كەزدەسۋ بارىسىندا ٶڭٸر باسشىسى 2025 جىلدىڭ قورىتىندىسى بويىنشا وبلىستا وڭ ديناميكا بايقالعانىن مەلٸمدەدٸ. ونىڭ ايتۋىنشا, ينۆەستيتسييا, قۇرىلىس, اۋىل شارۋاشىلىعى جەنە ساۋدا سالالارىندا ٶسٸم بار. نەگٸزگٸ كاپيتالعا سالىنعان ينۆەستيتسييا كٶلەمٸ 838 ملرد تەڭگەدەن اسىپ, ينۆەستيتسييالىق پورتفەل 101 جوبانى قامتىعان.
قۇرىلىس جۇمىستارىنىڭ كٶلەمٸ 460 ملرد تەڭگەگە جۋىقتاپ, اۋىل شارۋاشىلىعى ٶنٸمٸنٸڭ جالپى كٶلەمٸ 550 ملرد تەڭگەدەن اسقان. ال ساۋدا سالاسىنىڭ كٶرسەتكٸشٸ 2 460 ملرد تەڭگەدەن جوعارى بولعان.
سونىمەن قاتار, 407 مىڭ شارشى مەتردەن استام تۇرعىن ٷي پايدالانۋعا بەرٸلٸپ, جۇمىسسىزدىق دەڭگەيٸ 4,6 پايىز شاماسىندا تۇراقتاعان. جالپى 29 مىڭ ادام جۇمىسپەن قامتىلعان.
جۇمىسپەن قامتۋدىڭ ٶڭٸرلٸك كارتاسى اياسىندا بيىل 17 440 جاڭا جۇمىس ورنىن اشۋ جوسپارلانعان. ونىڭ ٸشٸندە بٸرٸنشٸ توقساندا 3 317 جۇمىس ورنى قۇرىلعان. ەلەۋمەتتٸك سالادا اتاۋلى ەلەۋمەتتٸك كٶمەك الۋشىلار سانى دا ازايىپ كەلەدٸ.
ٶڭٸردە اۋىلدىق اۋماقتاردى دامىتۋ مەن قونىستانۋشىلاردى قولداۋ باعدارلامالارى جٷزەگە اسىرىلىپ جاتىر. سونىڭ ٸشٸندە «شىعىس شاقىرادى» جوباسى دا بار. ينفراقۇرىلىمدى جاڭعىرتۋعا ەرەكشە كٶڭٸل بٶلٸنٸپ, ٶتكەن جىلى جالپى ۇزىندىعى 856 شاقىرىم جول مەن كٶشەلەرگە جٶندەۋ جۇمىستارى جٷرگٸزٸلگەن.
كەزدەسۋ قورىتىندىسىندا پرەزيدەنت ەكولوگييالىق جاعدايدى جاقسارتۋ, ەكونوميكانى ەرتاراپتاندىرۋ, ينۆەستيتسييا تارتۋ جەنە تۋريزمدٸ دامىتۋ باعىتىندا جۇمىستى جالعاستىرۋدى تاپسىردى.
