مەملەكەت باسشىسىنىڭ تٶراعالىعىمەن قازاقستان رەسپۋبليكاسىنىڭ پرەزيدەنتٸ جانىنداعى شەتەلدٸك ينۆەستورلار كەڭەسٸنٸڭ كەزەكتەن تىس وتىرىسى بەينەبايلانىس رەجيمٸندە ٶتتٸ. جيىنعا پرەزيدەنت ەكٸمشٸلٸگٸنٸڭ باسشىلىعى, ٷكٸمەت مٷشەلەرٸ, مەملەكەتتٸك ورگانداردىڭ ٶكٸلدەرٸ, ٸرٸ ترانسۇلتتىق جەنە ۇلتتىق كومپانييالاردىڭ جەتەكشٸلەرٸ قاتىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
كەزدەسۋگە قاتىسۋشىلار ادامي كاپيتالدى كٷشەيتۋگە, ەكونوميكا مەن ينۆەستيتسييالىق ساياساتقا ەكولوگييالىق, ەلەۋمەتتٸك جەنە كورپوراتيۆتٸك باسقارۋدىڭ ستاندارتتارىن ەنگٸزۋگە باسا مەن بەرە وتىرىپ, ەلٸمٸزدٸڭ ينۆەستيتسييالىق تارتىمدىلىعىن جاقسارتۋ جٶنٸندە بٸرقاتار ۇسىنىس ايتتى.
مەملەكەت باسشىسى قايعىلى قاڭتار وقيعاسىنا نازار اۋدارا وتىرىپ, دەر كەزٸندە قابىلدانعان باتىل شەشٸمدەردٸڭ ارقاسىندا ەلٸمٸزدەگٸ جاعدايدىڭ تولىق تۇراقتانعانىن اتاپ ٶتتٸ.
قاسىم-جومارت توقاەۆ حالىقارالىق قاعيداتتارعا تولىق ساي كەلەتٸن تەرگەپ-تەكسەرۋ جۇمىستارىنىڭ جالعاسىپ جاتقانىن مەلٸمدەدٸ. سونداي-اق پرەزيدەنت قاڭتار وقيعاسى ينۆەستورلارعا بەلگٸلٸ بٸر دەڭگەيدە جايسىزدىق تۋعىزعانىن ايتتى.
– ەل پرەزيدەنتٸ رەتٸندە شەتەلدٸك ينۆەستورلار ٷشٸن «اشىق ەسٸك» ساياساتى بٸزدٸڭ ستراتەگييالىق باسىمدىعىمىز بولىپ قالا بەرەتٸنٸن ايتقىم كەلەدٸ. مەملەكەت سەرٸكتەستەر مەن ينۆەستورلار الدىنداعى مٸندەتتەمەلەرٸ مەن كەپٸلدٸكتەرٸن تولىق ورىندايدى. قاڭتار داعدارىسى نارىقتىق ەكونوميكاعا, زاڭ ٷستەمدٸگٸنە, حالىقارالىق جەنە ٸشكٸ مٸندەتتەمەلەردٸ ساقتاۋعا دەگەن بەيٸلدٸگٸمٸزگە ەش ەسەر ەتكەن جوق. كەرٸسٸنشە, بۇل ودان ەرٸ جەتٸلدٸرۋگە تىڭ سەرپٸن بەردٸ, – دەدٸ پرەزيدەنت.
مەملەكەت باسشىسى ەلٸمٸزدٸ ودان ەرٸ ترانسفورماتسييالاۋ جٶنٸندەگٸ ويىن ورتاعا سالدى. قاسىم-جومارت توقاەۆ زاڭ ٷستەمدٸگٸ مەن ونىڭ تەڭ دەرەجەدە قولدانىلۋى جاڭا باعداردىڭ سٶزسٸز نەگٸزٸ بولاتىنىن اتاپ ٶتتٸ.
– بۇدان بىلاي ەكونوميكالىق رەفورمالاردىڭ باستى مٸندەتٸ – ٸشكٸ جالپى ٶنٸم ٶسٸمٸنٸڭ ابستراكتٸلٸ ساندارى مەن ەلەمدٸك رەيتينگتەردەن ورىن الۋ ەمەس, حالقىمىزدىڭ تابىسى مەن تۇرمىس ساپاسىن ارتتىرۋ. ەرينە, بۇل ماقساتقا كەسٸپكەرلەردٸڭ جاڭا شوعىرىن قالىپتاستىرماي, جوعارى ساپالى ينۆەستيتسييا تارتپاي قول جەتكٸزۋ مٷمكٸن ەمەس. فاۆوريتيزمدٸ, ەليتانىڭ ەرەكشە مٷددەلەرٸ مەن ارتىقشىلىقتارىن, سىبايلاس جەمقورلىق پەن وليگوپولييانى جويامىز دەپ, حالىق پەن ادال بيزنەسكە بەرگەن ۋەدەمٸز تولىقتاي ورىندالادى, – دەدٸ قازاقستان پرەزيدەنتٸ.
قاسىم-جومارت توقاەۆ بارلىق حالىقارالىق رەيتينگ اگەنتتٸكتەرٸ ەلٸمٸزدٸڭ ينۆەستيتسييالىق احۋالى سەنٸمدٸ ەكەنٸن تۇراقتى تٷردە راستايتىنىن اتاپ ٶتتٸ. پرەزيدەنتتٸڭ پٸكٸرٸنشە, قاڭتار وقيعاسىنداعى قايعىلى جاعدايلارعا قاراماستان, ەلدٸڭ ساياسي جەنە ەكونوميكالىق جٷيەسٸ بەرٸكتٸگٸن كٶرسەتتٸ.
– بارلىق دەرەكتٸڭ جۋىردا رەسمي جارييالانۋى بٸزدٸڭ بٷكٸل ٸس-ەرەكەتٸمٸزدٸڭ تولىق اقتالعانىن جەنە تەك ەلٸمٸزدٸڭ تۇتاستىعىن ساقتاۋعا, ازاماتتارىمىزدىڭ ٶمٸرٸ مەن بيزنەسٸمٸزدٸڭ مٷلكٸن قورعاۋعا باعىتتالعانىن ايقىن دەلەلدەيتٸنٸنە سەنٸمدٸمٸن. قازاقستاندا ۇزاق ۋاقىتتان بەرٸ جۇمىس ٸستەپ كەلە جاتقان ەلٸمٸزدٸڭ دوستارى – سٸزدەرگە بۇل بەلگٸلٸ دەپ ويلايمىن. سول كٷندەردٸڭ شىنايى كارتيناسى تۋرالى اقيقات اسا ماڭىزدى, – دەدٸ مەملەكەت باسشىسى.
پرەزيدەنت كەڭەس مٷشەلەرٸنٸڭ ۇسىنىستارى قازاقستانعا جەنە جٷزەگە اسىرىلىپ جاتقان رەفورمالارعا لايىقتى قولداۋ بولاتىنىن اتاپ ٶتتٸ.
– سٸزدەردٸ ەلٸمٸزدە رەفورمالاردىڭ شىنايى تٷردە جٷرگٸزٸلۋٸنە, ەكونوميكالىق ەركٸندٸك بولۋىنا وتاندىق كەسٸپكەرلەرمەن بٸردەي مٷددەلٸ دەپ ەسەپتەيمٸن. سوندىقتان ەلٸمٸزدٸ ەكونوميكالىق تۇرعىدان ترانسفورماتسييالاۋعا جەنە جاڭارتۋعا بارشاڭىزدى بەلسەنە اتسالىسۋعا شاقىرامىن. ٶزارا ىنتىماقتاستىقتىڭ جاڭا, نەعۇرلىم ەدٸل جەنە تيٸمدٸ تەرتٸبٸن, اشىق ەرٸ تۇراقتى رەتتەۋ مەسەلەسٸن بٸرلەسە جٷيەلەي وتىرىپ, بٸز, شىن مەنٸندە, تارتىمدى ينۆەستيتسييالىق احۋال قالىپتاستىرا الامىز. بۇل – بٸزدٸڭ ورتاق مٷددەمٸز, – دەدٸ قاسىم-جومارت توقاەۆ.
قازاقستان پرەزيدەنتٸ بەسەكەلەستٸكتٸ دامىتۋ, سىبايلاس جەمقورلىقتى جويۋ, تيٸمدٸ مەملەكەتتٸك باسقارۋدى قۇرۋ جەنە ساپالى ادامي كاپيتال قالىپتاستىرۋ كٶزدەگەن ماقساتقا جەتكٸزەتٸن جول دەپ اتاپ ٶتتٸ. وسىعان وراي مەملەكەت باسشىسى بٸرقاتار ٶزەكتٸ مٸندەتكە نازار اۋداردى.
اتاپ ايتقاندا, مەملەكەت باسشىسى ەدٸل ەرٸ بەيتاراپ سوت جٷيەسٸ عانا قۋاتتى ەكونوميكا مەن لايىقتى بيزنەس-كليمات قۇرۋدىڭ نەگٸزٸ ەكەنٸنە توقتالدى. ونىڭ پٸكٸرٸنشە, ينۆەستورلاردىڭ زاڭدى مٷددەلەرٸ مەن قۇقىقتارىن قورعاۋدىڭ باستى كەپٸلٸ دەل وسى بولۋعا تيٸس. مەملەكەت باسشىسى ينۆەستيتسييالىق داۋلاردى شەشۋ بويىنشا استانا حالىقارالىق قارجى ورتالىعى مەن حالىقارالىق اربيتراج ورتالىعىنىڭ ەلەۋەتٸن تولىق پايدالانۋعا شاقىردى.
قاسىم-جومارت توقاەۆ ادال بەسەكەلەستٸكتٸ دامىتۋ ٸسٸن جاڭا باعىتتىڭ تاعى بٸر ماڭىزدى باسىمدىعى دەپ سانايدى.
– ەكونوميكانىڭ نەگٸزگٸ سالالارىنداعى وليگوپولييالاردىڭ تاريحي ٷستەمدٸگٸ نارىقتار مەن سالالاردىڭ دامۋىن تەجەيدٸ. بۇل جاعدايدى زاڭنامالىق جەنە پراكتيكالىق تۇرعىدان باتىل ٶزگەرتەتٸن بولامىز. بيىل قول قويىلعان بەسەكەلەستٸكتٸ دامىتۋ مەسەلەسٸ جٶنٸندەگٸ زاڭدا ماڭىزدى باستامالار قاراستىرىلعان. بۇل – نارىق سۋبەكتٸلەرٸنٸڭ شەكتەۋلٸ رەسۋستارعا قول جەتٸمدٸلٸگٸ, نارىققا كٸرۋ كەدەرگٸلەرٸن تٶمەندەتۋ جەنە ارالاس نارىقتارعا مونوپولييانىڭ كەرٸ ەسەرٸن جويۋ. «سامۇرىق-قازىنا» قورىن تٷبەگەيلٸ قايتا قۇرۋ جۇمىستارى جٷرٸپ جاتىر. ەكٸمشٸلٸك رەسۋرستاردىڭ ەسەبٸنەن تاپسىرىس العان كومپانييالار ٶزدەرٸنٸڭ ارتىقشىلىقتارى مەن كەلٸسٸم-شارتتارىنان ايرىلۋدا. قوردىڭ ينۆەستيتسييالىق جوبالارىنىڭ توپتاماسى – شامامەن 3,5 تريلليون تەڭگە. بۇدان بىلاي بارلىق جوبالار اشىق ەرٸ كونكۋرس نەگٸزٸندە حالىقارالىق كومپانييالاردىڭ قاتىسۋىمەن جٷزەگە اسىرىلاتىن بولادى. ەگەر, ولاي بولماي جاتسا, بٸردەن ماعان تٸكەلەي حابارلاڭىزدار. ٶيتكەنٸ بۇل – مەنٸڭ پرەزيدەنتتٸك قىزمەتٸمدەگٸ اسا ماڭىزدى ٸس, – دەدٸ قاسىم-جومارت توقاەۆ.
مەملەكەت باسشىسىنىڭ ايتۋىنشا, ەلٸمٸزدە مونوپولييالارعا جەنە نارىققا كٸرۋ كەزٸندەگٸ جاساندى كەدەرگٸلەرگە قارسى باستالعان كٷرەس ينۆەستورلاردىڭ ەل ەكونوميكاسىن ەرتاراپتاندىرۋعا قاتىسۋىنا مٷمكٸندٸك بەرەدٸ.
– قازٸرگٸ ۋاقىتتا تارتىلعان تٸكەلەي شەتەلدٸك ينۆەستيتسييانىڭ شامامەن 35 پايىزى تاۋ-كەن سالاسىنا تيەسٸلٸ. سونىمەن قاتار اگروٶنەركەسٸپ كەشەنٸ, تۋريزم, ٶڭدەۋ جەنە كٶلٸك ٶنەركەسٸبٸ سيياقتى بەسەكەگە قابٸلەتتٸ سالالاردىڭ ەلەۋەتٸن ٸسكە اسىرۋدا ايتارلىقتاي مٷمكٸندٸكتەردٸ جٸبەرٸپ الىپ جاتىرمىز. بۇل جەردە ەۋرازييالىق ەكونوميكالىق وداق پەن قىتايدىڭ اۋقىمدى تۇتىنۋ نارىقتارىنىڭ باسىمدىعى انىق كٶرٸنەدٸ. وسى سالالاردى دامىتۋعا بەلسەندٸ اتسالىسۋعا شاقىرامىن, – دەدٸ مەملەكەت باسشىسى.
وسى ورايدا پرەزيدەنت ٶزٸنٸڭ جۋىردا قىتايعا جەنە رەسەي فەدەراتسيياسىنا جاساعان ساپارىنا توقتالدى.
– اتالعان مەملەكەتتەردٸڭ باسشىلارىمەن ٶتە تابىستى كەلٸسسٶزدەر جٷرگٸزٸلدٸ. ولاردىڭ بەرٸ نەگٸزٸنەن ساۋدا-ەكونوميكالىق جەنە ينۆەستيتسييالىق ىنتىماقتاستىقتى نىعايتۋعا باعىتتالدى. كەلٸسٸمدەردٸڭ پەرسپەكتيۆاسى زور ەكەنٸن تاعى دا قايتالاپ ايتامىن, – دەدٸ پرەزيدەنت.
سونىمەن قاتار مەملەكەت باسشىسى ينۆەستورلاردىڭ نازارىن ەلٸمٸزدٸڭ كٶلٸك-لوگيستيكا سالاسىنداعى ەلەۋەتٸنە اۋدارىپ, قىتاي – ەۋروپا دەلٸزٸ بويىنشا قۇرلىق ترانزيتتٸك تاسىمالدىڭ 83 پايىزى قازاقستان ارقىلى ٶتەتٸنٸن اتاپ ٶتتٸ.
– «دوستىق – مويىنتى» اسا اۋقىمدى تەمٸرجول جوباسى جٷزەگە اسىرىلادى. بۇل ٶتكٸزۋ ەلەۋەتٸن 5 ەسە ارتتىرۋعا مٷمكٸندٸك بەرەدٸ. «داربازا – ماقتارال» جاڭا تەمٸرجول باعىتى ورتالىق ازييادان رەسەيگە, ودان ەرٸ ەۋروپاعا شىعاتىن ترانزيتتٸك تاسىمالدىڭ دامۋىنا ىقپال ەتەدٸ. «تٷركٸستان – شىمكەنت – تاشكەنت» جوعارى جىلدامدىقتى تەمٸرجول ماگيسترالٸن سالۋ جوسپارلانىپ وتىر, – دەدٸ قاسىم-جومارت توقاەۆ.
قازاقستان پرەزيدەنتٸ ەنەرگەتيكالىق ەلەۋەتتٸ ارتتىرۋعا, اتاپ ايتقاندا اتوم ەنەرگەتيكاسىن, جاسىل سۋتەگٸن, ەكولوگييالىق, ەلەۋمەتتٸك جەنە كورپوراتيۆتٸك باسقارۋ قاعيداتى بويىنشا تسيفرلاندىرۋدى دامىتۋ جٶنٸندەگٸ ينۆەستيتسييالىق جوبالاردى جٷزەگە اسىرۋعا توقتالدى. بۇدان بٶلەك قاسىم-جومارت توقاەۆ كۆازيمەملەكەتتٸك سەكتوردى رەفورمالاۋدىڭ, سونىڭ ٸشٸندە مەملەكەتتٸك كەسٸپورىندار مەن حولدينگتەردٸ جەكەشەلەندٸرۋ جەنە IPO-عا شىعارۋ جۇمىستارىن جالعاستىرۋدىڭ ماڭىزدى ەكەنٸنە نازار اۋداردى.
سونىمەن قاتار مەملەكەت باسشىسى ينۆەستيتسييالىق جوبالاردى جٷزەگە اسىرۋدىڭ تيٸمدٸلٸگٸنە قاتىستى مەسەلەگە دە توقتالدى.
– بٷگٸندە ينۆەستيتسييا تارتۋدىڭ بارلىق ساتىسىندا فورماليزم مەن كەلٸسٸمگە كەلۋدٸڭ ۇزاققا سوزىلاتىن ٸشكٸ ٷدەرٸستەرٸ ەلٸ دە باسىمدىققا يە ەكەنٸن بٸلەمٸز. سونىڭ سالدارىنان ينۆەستورلار قاجەتتٸ شەشٸمدٸ ايلاپ, جىلداپ كٷتٸپ قالادى. وسىدان بارىپ ولار ينۆەستيتسييالىق جوبالاردى كەيٸنگە قالدىرادى نەمەسە باسقا ەلگە كەتەدٸ. حالىقارالىق كەلٸسٸمدەردٸڭ مەملەكەتتٸك ورگاندارداعى كابينەتتەردە جاتىپ قالۋىنا, سونداي-اق كەلٸسٸمدەردٸ راتيفيكاتسييالاۋ ٸسٸنٸڭ كٶپ جىلعا سوزىلىپ كەتۋٸنە قاتىستى مىسالدار جەتكٸلٸكتٸ. بۇرىن سولاي بولعان, ول قازٸر دە بار دەپ ويلايمىن. ال مۇنداي كەلٸسٸمدەرگە ٶزگە ەلدەردە بٸر-ەكٸ ايدىڭ ٸشٸندە قول قويىلادى. ينۆەستيتسييالىق جوبالار بويىنشا ناقتى ەرٸ تٷسٸنٸكتٸ الگوريتم كەرەك. كەڭەسكە ٷكٸمەتپەن بٸرلەسٸپ, اتالعان مەسەلەنٸ پىسىقتاۋدى تاپسىرامىن, – دەدٸ پرەزيدەنت.
قاسىم-جومارت توقاەۆ ينۆەستورلاردى قولداۋ ٷشٸن «KazakhExport» ۇلتتىق كومپانيياسىنىڭ ترانسفورماتسييالانعانىن اتاپ ٶتتٸ. ول ەندٸ وتاندىق ٶنٸمدٸ ساتىپ الاتىن شەتەلدٸكتەرگە نەسيە سۋبسيدييالاپ, ەكسپورتقا قاتىستى كەلٸسٸمدەرگە كەپٸلدٸك بەرە الادى.
قاسىم-جومارت توقاەۆ ەكٸمشٸلٸك كەدەرگٸلەردٸ جويۋ, رەتتەۋشٸ جەنە فيسكالدىق ساياساتتى جەتٸلدٸرۋ جٶنٸندەگٸ جۇمىستاردى كٷشەيتۋگە ارنايى توقتالدى.
– بٸزدەگٸ سالىق زاڭناماسىنىڭ جەتٸلدٸرٸلەتٸنٸن راستايمىز. مەملەكەت پەن بيزنەس مٷددەلەرٸنٸڭ تەڭگەرٸمٸن ساقتاۋدى ەسكەرە وتىرىپ, تۇراقتىلىق پەن قاراپايىمدىلىق قاعيداتتارى نەگٸزگٸ پوستۋلاتتارعا اينالادى. سونىمەن بٸرگە سالىق رەجيمٸنٸڭ تۇراقتىلىعىنا قاتىستى ينۆەستورلاردىڭ تالاپ-تٸلەكتەرٸن تٷسٸنەمٸن. سالىق زاڭناماسىن ٶزگەرتۋگە جەڭٸل قاراماعان جٶن. اتالعان مەسەلەگە سالىق جٷيەسٸنٸڭ تۇراقتىلىعىن ساقتاپ, ينۆەستورلار ٷشٸن قولايلى بولۋىن ويلاستىرىپ بارىپ كٸرٸسۋ كەرەك. ٷكٸمەتتٸڭ الدىنداعى قازٸرگٸ مٸندەت وسى, – دەدٸ قازاقستان پرەزيدەنتٸ.
مەملەكەت باسشىسى ٷكٸمەتكە ستراتەگييالىق ينۆەستيتسييالىق كەلٸسٸمنٸڭ ەنگٸزٸلۋ جولدارىن قايتا قاراۋدى, بۇل قۇجاتتى بارىنشا يكەمدٸ ەرٸ اشىق ەتۋدٸ تاپسىردى. سونداي-اق ينۆەستيتسييالاردى قورعاۋ ٷشٸن ساپالى قۇقىقتىق ورتا قاجەت ەكەنٸنە نازار اۋداردى. وسى رەتتە ينۆەستيتسييالاردى ٶزارا قورعاۋ جەنە ىنتالاندىرۋ جٶنٸندە كەلٸسٸمدەر جاساۋ بويىنشا سەرٸكتەس ەلدەرمەن كەشەندٸ جۇمىستى جالعاستىرۋعا تاپسىرما بەردٸ.
پرەزيدەنت ٶز سٶزٸندە «قازاقستان حالقىنا» قوعامدىق ەلەۋمەتتٸك قورىنىڭ قۇرىلعانى جٶنٸندە ايتتى.
– كەيبٸر شەتەلدٸك ينۆەستورلار اراسىندا قورعا جارنا اۋدارۋ مٸندەتتٸ مە دەگەن سۇراق تۋىندايدى. جارنا اۋدارۋ ەرٸكتٸ تٷردە جٷرگٸزٸلەتٸنٸن اتاپ ٶتكٸم كەلەدٸ, – دەدٸ مەملەكەت باسشىسى.
قاسىم-جومارت توقاەۆ كەزدەسۋدٸ قورىتىندىلاي كەلە, ەلٸمٸزدە جٷزەگە اسىرىلىپ جاتقان رەفورمالارمەن قاتار, كەڭەس تە ٶز قىزمەتٸندەگٸ تەسٸلدەردٸ جاڭارتىپ وتىرۋعا تيٸس ەكەنٸن اتاپ ٶتتٸ.
– مەن بەلسەندٸ تٷردە كٶمەكتەسۋگە, نەگٸزدەلگەن شەشٸمدەر قابىلداۋعا دايىنمىن. جالپى, مەن قازاقستاندا قولايلى ينۆەستيتسييالىق كليمات قالىپتاستىرۋعا باسىمدىق بەرەمٸن. سٸزدەردەن تىڭ باستامالار مەن ۇسىنىستار كٷتەمٸن. كەڭەس ٶزارا ىقپالداستىقتىڭ, ەكونوميكانى ەرتاراپتاندىرۋدىڭ, ازاماتتاردىڭ ەل-اۋقاتىن ارتتىرۋدىڭ شىنايى ەرٸ ناقتى تەتٸگٸنە اينالۋى كەرەك, – دەدٸ پرەزيدەنت.
جيىن سوڭىندا مەملەكەت باسشىسى كەڭەستٸڭ كەلەسٸ 34-شٸ پلەنارلىق وتىرىسىنىڭ كٷن تەرتٸبٸن جارييالادى. الداعى جيىن ەكونوميكانى دەكاربونيزاتسييالاۋ جەنە تٶمەن كٶمٸرتەكتٸ تەحنولوگييالاردى ەنگٸزۋ مەسەلەلەرٸنە ارنالادى.
سونداي-اق پرەزيدەنت شەتەلدٸك ينۆەستورلاردىڭ ەلٸمٸزدەگٸ جۇمىستارىنا قاتىستى بٸرقاتار ٶزەكتٸ ساۋالعا جاۋاپ بەردٸ.
سونىمەن قاتار جيىن بارىسىندا ەكونوميكا مينيسترٸ ەلٸبەك قۋانتىروۆ, ازييا دامۋ بانكٸ, ەۋروپا قايتا قۇرۋ جەنە دامۋ بانكٸ, Citigroup, EY, Exxon Mobil, Chevron, TotalEnergies, Shell, Eni S.p.A., CNPC, Cameco, ArcelorMittal, General Electric جەنە باسقا دا حالىقارالىق ٸرٸ قارجى جەنە بيزنەس قۇرىلىمدارىنىڭ جەتەكشٸلەرٸ سٶز سٶيلەدٸ. كەزدەسۋدٸ «شەتەلدٸك ينۆەستورلاردىڭ قازاقستاندىق كەڭەسٸ» اسسوتسياتسيياسىنىڭ باسقارما تٶراعاسى ەرلان دوسىمبەكوۆ جٷرگٸزدٸ.
