«قازاقستاننىڭ 100 جاڭا ەسٸمٸ» جوباسىنىڭ جەڭٸمپازدارى ورتالىق مەملەكەتتٸك ورگانداردىڭ باسشىلارىمەن تۇراقتى كەزدەسٸپ تۇرۋى كەرەك. پرەزيدەنت قاسىم-جومارت توقاەۆ جوبا فيناليستەرٸمەن كەزدەسۋٸندە وسىنداي تاپسىرما بەردٸ, دەپ حابارلايدى "ۇلت اقپارات".
مەملەكەت باسشىسى تەۋەلسٸزدٸكتٸڭ 30 جىلدىعى قارساڭىندا جٷيەلٸ جاڭعىرتۋلار ارقىلى جاڭا سەرپٸلٸستٸڭ نەگٸزٸن سالۋ قاجەتتٸگٸن اتادى.
«جوعارىدا ايتقانىمداي, بٸز مەملەكەتتٸلٸگٸمٸز ٷشٸن ماڭىزدى وسىناۋ مەرەيتويدى ازاماتتاردىڭ مۇقتاجدىقتارى مەن قاجەتتٸلٸكتەرٸنە باعىتتالعان ناقتى ٸستەر مەن جوبالارمەن تولىقتىرۋعا تيٸسپٸز. «100 جاڭا ەسٸم» جوباسى جەڭٸمپازدارىنىڭ قىزمەتٸ مەن باستامالارى وسى ٶزەكتٸ مٸندەتكە تولىق جاۋاپ بەرەدٸ. ولاردىڭ يدەيالارى مەن ۇسىنىستارىن نەعۇرلىم تيٸمدٸ ٸلگەرٸلەتۋ ٷشٸن فيناليستەردٸڭ ورتالىق مەملەكەتتٸك ورگانداردىڭ باسشىلارىمەن تۇراقتى كەزدەسۋلەر پراكتيكاسىن جٷيەلٸ نەگٸزدە ەنگٸزۋ قاجەت. مەنٸڭ ويىمشا, بۇل ٶزارا پايدالى بولادى», - دەگەن مەملەكەت باسشىسى ەلٸمٸزدٸڭ تالانتتى جاستارى كەسٸپقويلىقتىڭ جاڭا بەلەستەرٸن باعىندىرۋ ارقىلى تۋىمىزدى بيٸككە كٶتەرە بەرەتٸنٸنە سەنٸم بٸلدٸردٸ.
