فوتو: اقوردا
اقوردانىڭ باسپاسٶز قىزمەتٸ مەملەكەت باسشىسى قاسىم-جومارت توقاەۆتىڭ حالىقارالىق ەيەلدەر كٷنٸمەن قۇتتىقتاۋىن جارييالادى.
قىمباتتى حانىمدار!
سٸزدەردٸ حالىقارالىق ەيەلدەر كٷنٸمەن شىن جٷرەكتەن قۇتتىقتايمىن!
وسى تاماشا مەيرام – بارشا نەزٸك جاندىلار قاۋىمىنا ارنالعان ەرەكشە سەزٸم مەن زور قۇرمەتتٸڭ جارقىن كٶرٸنٸسٸ. ەيەل – كٶڭٸلگە شاتتىق سىيلاپ, شابىتقا قانات بٸتٸرەتٸن كٶركەمدٸك پەن سۇلۋلىقتىڭ سيمۆولى, جاسامپازدىق پەن جاڭاشىلدىقتىڭ قاينار كٶزٸ. دٷنيەدەگٸ جاقسىلىق اتاۋلىنىڭ بەرٸ ەيەل زاتىنان باستاۋ الادى.
ەيەلدٸڭ جانى نەزٸك بولسا دا, بولمىسى – مىقتى. ولار كەز كەلگەن قيىندىقتى ەڭسەرٸپ, ەردايىم دانالىق پەن دارالىقتىڭ, شىدامدىلىق پەن باتىلدىقتىڭ, سەنٸمدٸلٸك پەن جاۋاپكەرشٸلٸكتٸڭ وزىق ٷلگٸسٸن كٶرسەتٸپ كەلەدٸ. ەربٸر ەيەلدٸڭ ٶمٸرگە نەر بەرەتٸن, ەلەمگە جارىق سىيلايتىن, جوقتان بار جاسايتىن, تٸپتٸ, جاۋلاسقاندى تاتۋلاستىرىپ, بەيبٸتشٸلٸككە شاقىراتىن عاجاپ قاسيەتٸ بار. ەيەل تابيعاتىنىڭ باستى قۇپيياسى مەن سىرى دا – وسىندا.
«ەيەل – ۇلتتىڭ جانى» دەسەك, ارتىق بولمايدى. ٶزدەرٸڭٸز بەرگەن تەلٸم-تەربيە ارقىلى ۇرپاقتىڭ دٷنيەتانىمى قالىپتاسادى, جاستار ەدەپتٸلٸك, وتانشىلدىق, ەڭبەكقورلىق, بٸلٸمپازدىق سىندى اسىل قاسيەتتەردٸ بويىنا سٸڭٸرەدٸ.
ۇلى دالانىڭ قايسار قىزدارى جايلى اڭىزعا بەرگٸسٸز اقيقات ەڭگٸمەلەر عاسىردان عاسىرعا جالعاسىپ كەلەدٸ. قازاق ارۋلارىنىڭ پاراساتتىلىعى مەن باتىرلىعى جۇرتىمىزدىڭ جادىندا جاتتالىپ, تاريحىندا تاڭبالانىپ قالعان. وسى ساباقتاستىق قازٸر دە ساقتالىپ وتىر. كٶپتەگەن قىز-كەلٸنشەكتەر وتانىمىزعا قالتقىسىز قىزمەت ەتٸپ, مەكتەپتەر مەن ۋنيۆەرسيتەتتەردە, ەمحانالار مەن زەرتحانالاردا, مەملەكەتتٸك مەكەمەلەر مەن قوعامدىق ۇيىمداردا, ٶنەر مەن بيزنەستە, ٶندٸرٸس ورىندارى مەن شارۋاشىلىقتاردا, ەسكەري بٶلٸمشەلەردە جەنە ەل ٶمٸرٸنٸڭ باسقا دا سالالارىندا ابىرويلى ەڭبەك ەتٸپ جٷر.
قازاقستان حالقىمىزدىڭ كەلەشەكتەگٸ تاعدىرىنا تٸكەلەي ىقپال ەتەتٸن اۋقىمدى جاڭعىرۋ جولىنا تٷستٸ. جاڭا حالىق كونستيتۋتسيياسى جوباسىنىڭ ٶزەگٸ – ەلٸمٸزدٸڭ تەۋەلسٸزدٸگٸ, ەگەمەندٸگٸ, اۋماقتىق تۇتاستىعى, ازاماتتاردىڭ مٷددەلەرٸ مەن قۇقىقتارى.
رەفەرەندۋمعا شىعارىلعان جاڭا اتا زاڭنىڭ جوباسىندا انا مەن بالانى قورعاۋ, نەكە جەنە وتباسى ينستيتۋتىن كٷشەيتۋ مەسەلەلەرٸنە ايرىقشا نازار اۋدارىلدى. سونداي-اق حالىقتىڭ ەل-اۋقاتىن ارتتىرۋعا, قوعامدا زاڭدى قۇرمەتتەۋ, تابيعاتتى ايالاۋ, ەدٸلدٸك, ەڭبەكقورلىق, جاۋاپتى جەنە جاسامپاز وتانشىلدىق قاعيداتتارىن ورنىقتىرۋعا باسا مەن بەرٸلدٸ.
ەيەلدەر قاۋىمى بولاشاقتا دا ٶزدەرٸنٸڭ ادالدىعىمەن, قارىم-قابٸلەتٸمەن, ەرەكشە كٷش-جٸگەرٸمەن ەدٸلەتتٸ, ٶركەندەگەن قازاقستاندى قۇرۋعا بەلسەنە اتسالىسا بەرەتٸنٸنە كەمٸل سەنەمٸن.
بارشاڭىزعا مىقتى دەنساۋلىق, باق-بەرەكە, تولاعاي تابىس تٸلەيمٸن!
ايتا كەتەيٸك, وسىعان دەيٸن مەملەكەت باسشىسى قاسىم-جومارت توقاەۆ حالىقارالىق ەيەلدەر كٷنٸنە ارنالعان سالتاناتتى ٸس-شارادا سٶز سٶيلەگەن بولاتىن.
