اتا زاڭ بويىنشا قازاقستاندا قازاق تٸلٸ عانا مەملەكەتتٸك تٸل. بۇل تۋرالى مەملەكەت باسشىسى قاسىم-جومارت توقاەۆ قازاقستان حالقىنا ارنالعان جولداۋىن جارييالاۋ كەزٸندە ايتتى, دەپ حابارلايدى "ۇلت اقپارات".
«قازاق تٸلٸن دامىتۋ مەملەكەتتٸك ساياساتتىڭ باسىم باعىتىنىڭ بٸرٸ بولىپ قالا بەرەدٸ. بۇل سالادا ايتارلىقتاي نەتيجە بار. قازاق تٸلٸ, شىن مەنٸندە, بٸلٸم مەن عىلىمنىڭ, مەدەنيەت پەن ٸس جٷرگٸزۋدٸڭ تٸلٸنە اينالۋدا.
جالپى, مەملەكەتتٸك تٸلدٸ قولدانۋ اياسى كەڭەيٸپ كەلەدٸ. بۇل – زاڭدى قۇبىلىس, ٶمٸردٸڭ باستى ٷردٸسٸ. سوندىقتان, قازاق تٸلٸنٸڭ ٶرٸسٸ تىم شەكتەلٸپ بارا جاتىر دەۋگە نەگٸز جوق. اتازاڭ بويىنشا قازاقستاندا بٸر عانا مەملەكەتتٸك تٸل بار. بۇل – قازاق تٸلٸ», - دەدٸ مەملەكەت باسشىسى.
سونىمەن قاتار پرەزيدەنت ورىس تٸلٸ رەسمي تٸل مەرتەبەسٸنە يە ەكەنٸن, زاڭناماعا سەيكەس ونىڭ قولدانىلۋىنا كەدەرگٸ جاساۋعا بولمايتىنىن اتاپ ٶتتٸ.
«بولاشاعىن وتانىمىزبەن بايلانىستىراتىن ەربٸر ازامات قازاق تٸلٸن ٷيرەنۋگە دەن قويۋعا تيٸس. بۇل وتانشىلدىقتىڭ باستى بەلگٸسٸ دەۋگە بولادى. جاستارىمىز ٶزگە تٸلدەردٸ, سونىڭ ٸشٸندە ورىس تٸلٸن جەتٸك مەڭگەرسە, بۇدان ەش ۇتىلمايدى.
قازاقستان مەن رەسەي اراسىنداعى شەكارا – ەلەمدەگٸ ەڭ ۇزىن شەكارا. ورىس تٸلٸ – بٸرٸككەن ۇلتتار ۇيىمىنداعى رەسمي التى تٸلدٸڭ بٸرٸ. سوندىقتان بۇل مەسەلەگە پاراساتتىلىقپەن قاراۋىمىز قاجەت.
ەلٸمٸز ٶركەنيەتتٸ ديالوگ پەن ٶزارا سىيلاستىق مەدەنيەتٸن دەرٸپتەۋٸ كەرەك. قازاقستان حالقى اسسامبلەياسىنىڭ بۇل سالاداعى رٶلٸ ايرىقشا. بٸز وتانىمىز جەنە بارلىق ازاماتىمىز ٷشٸن جاۋاپكەرشٸلٸكتٸ سەزٸنۋٸمٸز قاجەت», - دەدٸ قاسىم-جومارت توقاەۆ.
