فوتو: اقوردا
مەملەكەت باسشىسى قاسىم-جومارت توقاەۆ قازاقستان حالقىن ورازا ايت مەرەكەسٸمەن قۇتتىقتادى. بۇل تۋرالى اقوردا مەلٸم ەتتٸ.
— قادٸرلٸ وتانداستار! ورازا ايت مەيرامى قۇتتى بولسىن! تاتۋلىق پەن باۋىرمالدىق, جاقسىلىق پەن يگٸلٸك سالتانات قۇراتىن وسى قاستەرلٸ مەرەكەنٸڭ بارشا مۇسىلمان قاۋىمى ٷشٸن مەن-ماڭىزى ايرىقشا. رامازان ايىندا يماندىلىققا, رۋحاني تازارۋعا ۇمتىلعان جۇرتىمىز ايت كٷنٸ اق داستارحان جايىپ, قوناقجايلىق كٶرسەتەدٸ. بٸر-بٸرٸنە ٸزگٸ تٸلەگٸن ارنايدى. مۇقتاج جاندارعا كٶمەك قولىن سوزىپ, قامقورلىق تانىتادى. سول ارقىلى ادامگەرشٸلٸك قۇندىلىقتار قوعامىمىزدا تەرەڭ ورنىعا تٷسەدٸ. ورازا ايت مەرەكەسٸنٸڭ تاعىلىمى اتا سالتىمىزبەن تەرەڭ ساباقتاسىپ جاتىر. بٸزدٸڭ دٸنٸمٸز دە, دەستٷرٸمٸز دە ازاماتتاردى بٸرلٸك پەن ىنتىماققا ٷندەيدٸ, ٶزارا سىيلاس بولۋعا شاقىرادى. وسى قاسيەتتەرٸمٸز باردا حالقىمىزدىڭ ەدٸلەتتٸ, قاۋٸپسٸز, تازا ەرٸ قۋاتتى قازاقستاندى قۇرۋ تۋرالى ارمان-مۇراتى ورىندالاتىنىنا كەمٸل سەنٸمدٸمٸن. بارشاڭىزعا باق-بەرەكە تٸلەيمٸن! ەر شاڭىراققا قۇت-بەرەكە دارىسىن! ايت قابىل بولسىن, اعايىن! , — دەلٸنگەن حابارلامادا.
ايتا كەتەيٸك, بٷگٸن جەر بەتٸندەگٸ بارلىق مۇسىلمان قاۋىمى ٷشٸن ەڭ قاسيەتتٸ سانالاتىن ەكٸ ۇلىق مەرەكەنٸڭ بٸرٸ — ورازا ايت مەيرامى تويلانادى.
