فوتو: اقوردا باسپاسٶز قىزمەتٸ
مەملەكەت باسشىسى جاڭا كونستيتۋتسييا جوباسى بويىنشا ٶتكەن رەسپۋبليكالىق رەفەرەندۋمعا قاتىسىپ, وقۋشىلار سارايىندا ورنالاسقان № 51 رەفەرەندۋم ۋچاسكەسٸندە داۋىس بەردٸ, دەپ حابارلايدى Ult.kz.پرەزيدەنت داۋىس بەرگەن سوڭ وتاندىق جەنە شەتەلدٸك بۇقارالىق اقپارات قۇرالدارىنىڭ ٶكٸلدەرٸنە ارنالعان بريفينگ ٶتكٸزدٸ.
قاسىم-جومارت توقاەۆ بٷگٸن ەلٸمٸزدٸڭ دامۋى مەن كەلەشەگٸ ٷشٸن ەرەكشە ماڭىزدى كٷن ەكەنٸن اتاپ ٶتتٸ.
" بٷگٸن ەلٸمٸزدٸڭ تاعدىرىن ايقىندايتىن كٷن. بارشاڭىزعا قۇتتى بولسىن! شىن مەنٸندە, بۇل – تاريحي قۇجات. ول ازاماتتارىمىزدىڭ قۇقىقتارى مەن بوستاندىقتارىنا كەپٸلدٸك بەرەدٸ. سوندىقتان ونىڭ ماڭىزى ٶتە جوعارى. جاڭا كونستيتۋتسييا ەلٸمٸزدٸڭ, جەرٸمٸزدٸڭ تۇتاستىعىن, تەۋەلسٸزدٸگٸ مەن ەگەمەندٸگٸن قورعايدى. 1995 جىلى قابىلدانعان كونستيتۋتسييا ەرەكشە رٶل اتقاردى. ەلٸمٸز 35 جىل وسى قۇجاتپەن ٶمٸر سٷردٸ. بٸراق زامان بٸر ورىندا تۇرمايدى. سول سەبەپتٸ جاڭا كونستيتۋتسييا قابىلدايتىن ۋاقىت كەلدٸ. بۇل جۇمىسقا مەن دە بەلسەنە اتسالىستىم. كونستيتۋتسييانىڭ پرەامبۋلاسىن جەنە باسقا دا نورمالارىن ٶزٸم جازدىم. جاڭا اتا زاڭ ەل يگٸلٸگٸنە, كەلەشەگٸنە قىزمەت ەتەدٸ دەپ سەنەمٸن", – دەدٸ مەملەكەت باسشىسى.
بۇدان كەيٸن پرەزيدەنت كونستيتۋتسييالىق رەفورمانىڭ نەگٸزگٸ ماقساتى مەن مٸندەتتەرٸنە, سونداي-اق حالىقارالىق كٷن تەرتٸبٸنە قاتىستى بٸرقاتار ساۋالعا جاۋاپ بەردٸ.
