Foto: Aqorda baspasóz qyzmeti
Memleket basshysy jańa Konstitýtsiia jobasy boiynsha ótken respýblikalyq referendýmǵa qatysyp, Oqýshylar saraiynda ornalasqan № 51 referendým ýchaskesinde daýys berdi, dep habarlaidy Ult.kz.Prezident daýys bergen soń otandyq jáne sheteldik buqaralyq aqparat quraldarynyń ókilderine arnalǵan brifing ótkizdi.
Qasym-Jomart Toqaev búgin elimizdiń damýy men keleshegi úshin erekshe mańyzdy kún ekenin atap ótti.
" Búgin elimizdiń taǵdyryn aiqyndaityn kún. Barshańyzǵa qutty bolsyn! Shyn máninde, bul – tarihi qujat. Ol azamattarymyzdyń quqyqtary men bostandyqtaryna kepildik beredi. Sondyqtan onyń mańyzy óte joǵary. Jańa Konstitýtsiia elimizdiń, jerimizdiń tutastyǵyn, Táýelsizdigi men Egemendigin qorǵaidy. 1995 jyly qabyldanǵan Konstitýtsiia erekshe ról atqardy. Elimiz 35 jyl osy qujatpen ómir súrdi. Biraq zaman bir orynda turmaidy. Sol sebepti jańa Konstitýtsiia qabyldaityn ýaqyt keldi. Bul jumysqa men de belsene atsalystym. Konstitýtsiianyń preambýlasyn jáne basqa da normalaryn ózim jazdym. Jańa Ata zań el igiligine, keleshegine qyzmet etedi dep senemin", – dedi Memleket basshysy.
Budan keiin Prezident konstitýtsiialyq reformanyń negizgi maqsaty men mindetterine, sondai-aq halyqaralyq kún tártibine qatysty birqatar saýalǵa jaýap berdi.
