مەملەكەت باسشىسى قاسىم-جومارت توقاەۆتىڭ بۇقارالىق اقپارات قۇرالدارى قىزمەتكەرلەرٸنٸڭ كٷنٸمەن قۇتتىقتادى. "ۇلت اقپارات" اقورداعا سٸلتەمە جاساي وتىرىپ, قۇتتىقتاۋدىڭ تولىق مەتٸنٸن جارييالايدى.
***
قۇرمەتتٸ جۋرناليستەر, بۇقارالىق اقپارات قۇرالدارىنىڭ قىزمەتكەرلەرٸ!
بارشاڭىزدى كەسٸبي مەرەكەلەرٸڭٸزبەن شىن جٷرەكتەن قۇتتىقتايمىن!
اقپارات سالاسى – قوعامدىق پٸكٸر قالىپتاستىراتىن ماڭىزدى سالا.
«حالىقتىڭ كٶزٸ, قۇلاعى ھەم تٸلٸ» رەتٸندە ەلگە ادال قىزمەت ەتۋ – ەر جۋرناليستٸڭ ابىرويلى مٸندەتٸ.
سٸزدەر قاشاندا ۇلت مٷددەسٸن بەرٸنەن بيٸك قويىپ, ەل قامى ٷشٸن قالام تارتىپ جٷرسٸزدەر.
مەملەكەتشٸلدٸك قۇندىلىقتى دەرٸپتەپ, جاسامپازدىق پەن جاقسىلىقتىڭ جارشىسى بولىپ كەلەسٸزدەر.
اقپارات سالاسىن دامىتۋعا مەملەكەت تاراپىنان قاشاندا ەرەكشە كٶڭٸل بٶلٸنەدٸ.
ٶز كەسٸبٸنٸڭ مايتالمانى بولعان قارىمدى جۋرناليستەرگە قولداۋ كٶرسەتٸلەدٸ.
باق سالاسىنداعى دەستٷرلٸ پرەزيدەنت سىيلىعى – سونىڭ بٸر كٶرٸنٸسٸ.
ونىڭ يەگەرٸ اتانعان ازاماتتاردىڭ ەسٸمٸ قازاق جۋرناليستيكاسىنىڭ جىلناماسىنا جازىلاتىنى سٶزسٸز.
جىل سايىن ەڭ تاڭداۋلى جۋرناليستەرگە بەرٸلەتٸن ماراپات وسىمەن جيىرما بەسٸنشٸ رەت تابىستالىپ وتىر.
بۇل سىيلىققا قاستەرلٸ تەۋەلسٸزدٸگٸمٸزدٸڭ 30 جىلدىعى قارساڭىندا يە بولۋدىڭ دا سيمۆولدىق مەنٸ بار.
سٸزدەر ەگەمەندٸك جىلدارىندا ۇرپاقتىڭ بويىنا ازاتتىق رۋحىن سٸڭٸرۋگە زور ٷلەس قوستىڭىزدار.
مەن مەملەكەت پەن قوعامنىڭ ورتاسىندا التىن كٶپٸر بولىپ جٷرگەن جۋرناليستەردٸڭ ەڭبەگٸن جوعارى باعالايمىن.
ەرقايسىڭىز شىنايى اقپارات تاراتۋدىڭ جاۋاپكەرشٸلٸگٸن سەزٸنٸپ, ۇلتتىق مٷددەنٸڭ بيٸگٸنەن كٶرٸنە بەرەدٸ دەپ سەنەمٸن.
سوڭعى كەزدە راديو قىزمەتكەرلەرٸنٸڭ كەسٸبي مەرەكەسٸ جوق ەكەنٸ جيٸ ايتىلىپ جٷر.
مەن قازاق راديوسىنىڭ 100 جىلدىعى اياسىندا 1 قازاندى راديو قىزمەتكەرلەرٸ كٷنٸ دەپ رەسمي تٷردە بەكٸتكەن جٶن دەپ سانايمىن.
ەلٸمٸز بەرەكەلٸ بٸرلٸك پەن ىرىستى ىنتىماقتىڭ ارقاسىندا ٶسٸپ-ٶركەندەي تٷسسٸن!
جۋرناليستەر جاعىمدى جاڭالىعىمەن جۇرتشىلىقتى قۋانتا بەرسٸن!
بارشاڭىزعا شىعارماشىلىق شابىت, تولاعاي تابىس تٸلەيمٸن!
مەرەكە قۇتتى بولسىن!
