Memleket basshysy Qasym-Jomart Toqaevtyń Buqaralyq aqparat quraldary qyzmetkerleriniń kúnimen quttyqtady. "Ult aqparat" Aqordaǵa silteme jasai otyryp, quttyqtaýdyń tolyq mátinin jariialaidy.
***
Qurmetti jýrnalister, buqaralyq aqparat quraldarynyń qyzmetkerleri!
Barshańyzdy kásibi merekelerińizben shyn júrekten quttyqtaimyn!
Aqparat salasy – qoǵamdyq pikir qalyptastyratyn mańyzdy sala.
«Halyqtyń kózi, qulaǵy hám tili» retinde elge adal qyzmet etý – ár jýrnalistiń abyroily mindeti.
Sizder qashanda ult múddesin bárinen biik qoiyp, el qamy úshin qalam tartyp júrsizder.
Memleketshildik qundylyqty dáriptep, jasampazdyq pen jaqsylyqtyń jarshysy bolyp kelesizder.
Aqparat salasyn damytýǵa memleket tarapynan qashanda erekshe kóńil bólinedi.
Óz kásibiniń maitalmany bolǵan qarymdy jýrnalisterge qoldaý kórsetiledi.
BAQ salasyndaǵy dástúrli Prezident syilyǵy – sonyń bir kórinisi.
Onyń iegeri atanǵan azamattardyń esimi qazaq jýrnalistikasynyń jylnamasyna jazylatyny sózsiz.
Jyl saiyn eń tańdaýly jýrnalisterge beriletin marapat osymen jiyrma besinshi ret tabystalyp otyr.
Bul syilyqqa qasterli Táýelsizdigimizdiń 30 jyldyǵy qarsańynda ie bolýdyń da simvoldyq máni bar.
Sizder egemendik jyldarynda urpaqtyń boiyna azattyq rýhyn sińirýge zor úles qostyńyzdar.
Men memleket pen qoǵamnyń ortasynda altyn kópir bolyp júrgen jýrnalisterdiń eńbegin joǵary baǵalaimyn.
Árqaisyńyz shynaiy aqparat taratýdyń jaýapkershiligin sezinip, ulttyq múddeniń biiginen kórine beredi dep senemin.
Sońǵy kezde radio qyzmetkerleriniń kásibi merekesi joq ekeni jii aitylyp júr.
Men Qazaq radiosynyń 100 jyldyǵy aiasynda 1 qazandy Radio qyzmetkerleri kúni dep resmi túrde bekitken jón dep sanaimyn.
Elimiz berekeli birlik pen yrysty yntymaqtyń arqasynda ósip-órkendei tússin!
Jýrnalister jaǵymdy jańalyǵymen jurtshylyqty qýanta bersin!
Barshańyzǵa shyǵarmashylyq shabyt, tolaǵai tabys tileimin!
Mereke qutty bolsyn!
