© AP Photo / Petr David Josek
21 جەلتوقسان كەشكٸسٸن چەحييا استاناسى پراگانىڭ ورتالىعىنداعى كارلوۆ ۋنيۆەرسيتەتٸ فيلوسوفييا فاكۋلتەتٸنٸڭ عيماراتىنا بٸر ادام قارۋمەن شابۋىل جاسادى. چەحييا قوعامدىق تەلەارناسىنىڭ حابارلاۋىنشا, شابۋىلدان كەمٸ 10 ادام قازا تاۋىپ, وننان اسا ادام جارالانعان, دەپ جازادى ازاتتىق.
پوليتسييا وق اتقان ادام دا ٶلتٸرٸلگەنٸن حابارلادى. ال پراگا قالاسىنىڭ مەرٸ بوگۋسلاۆ سۆوبودا چەحييا قوعامدىق تەلەارناسىنا بەرگەن جاۋابىندا شابۋىلداعان ادام بيٸكتەن سەكٸرٸپ كەتكەنٸن ايتتى.
بۇل ادامنىڭ چەحييا ازاماتى ەكەنٸن ايتىلدى, بٸراق ونىڭ نە ٷشٸن وق اتقانى بەلگٸسٸز.
كۋەگەرلەردٸڭ بٸرٸ ازاتتىقتىڭ ورىس قىزمەتٸنە ايتۋىنشا, پراگا ۋاقىتىمەن تٷسكٸ ٷش كەزٸندە ۋنيۆەرسيتەت قىزمەتكەرلەرٸنە عيماراتتا قارۋلى ادام جٷرۋٸ مٷمكٸن دەپ حابارلانعان.
كارلوۆ ۋنيۆەرسيتەتٸندە ساباق بەرەتٸن ازاتتىق راديوسى ورىس قىزمەتٸنٸڭ تەلەجٷرگٸزۋشٸسٸ سەرگەي مەدۆەدەۆ اتىس كەزٸندە وقيعا ورنىندا بولعان. ول ۋنيۆەرسيتەتتە ساباق بەرٸپ جاتقان. مەدۆەدەۆ باسىندا اۋديتورييادا جاسىرىنعانىن, كەيٸن باسقا جاققا ەۆاكۋاتسييالانعانىن ايتتى.
چەحييانىڭ Novinky.cz سايتى جارييالاعان سۋرەتتەردە قولىن كٶتەرٸپ تۇرعان ادامدار, قاشىپ بارا جاتقاندار كٶرٸنەدٸ. چەحيياداعى اقپارات اگەنتتٸكتەرٸ وقيعا ورنىندا پوليتسييا مەن قۇتقارۋشىلار جٷرگەنٸن, ۋنيۆەرسيتەت ماڭىنا ەلدٸڭ ٸشكٸ ٸستەر مينيسترٸ ۆيت راكۋشان كەلگەنٸن جازىپ جاتىر.
ايتا كەتەيٸك, پراگا ەلەمدەگٸ ەڭ قاۋٸپسٸز قالالاردىڭ بٸرٸ سانالادى.
