«قازاقستان تەمٸر جولى» اق باسپاسٶز قىزمەتٸ ارزان بيلەتكە قول جەتكٸزۋ جولدارىن ايتىپ بەردٸ.
باسپاسٶز قىزمەتٸ حابارلاعانداي, «جولاۋشىلار تاسىمالى» اق 2018 جىلدىڭ 11 قىركٷيەگٸنەن باستاپ قازاقستان ٸشٸندەگٸ ەلەۋمەتتٸك ماڭىزى بار باعىتتارعا باعانى رەتتەۋ جٷيەسٸن ٶزگەرتكەن بولاتىن.
اتاپ ايتقاندا, بۇل جەڭٸلدٸكتەر تٸركەمە مەن ٶزگە ەلدەردٸڭ باعدارلارىن, جەكەمەنشٸك كومپانييالاردىڭ پويىزدارىن قوسپاعاندا 52 باعىت بويىنشا بەرٸلەدٸ.
«باعالاردى رەتتەۋدٸڭ جاڭا جٷيەسٸ ديناميكالىق تاريفتٸك باسقارۋ باعدارلاماسى بويىنشا قۇرالدى. بۇل ەلەمدٸك ەۋە جەنە تەمٸر جول تاسىمالىندا پايدالانىلاتىن تەجٸريبە. جولاۋشىلار قازاقستان ٸشٸندەگٸ باعىتقا تەمٸر جول بيلەتتەرٸن 45 كٷن بۇرىن ساتىپ السا, 25%-دىق جەڭٸلدٸك بار. جەڭٸلدٸك كٶلەمٸ بوس ورىن سانىنا, اتتانۋ كٷنٸنە دەيٸن قانشا تەۋلٸك قالعانىنا بايلانىستى بولماق. جٷرەتٸن كٷن جاقىنداعاندا بيلەتكە 25%-دان ارتىق ٷستەمە قوسىلمايدى. قازاقستان بويىنشا بۇدان بٶلەك 14 كوممەرتسييالىق باعىت بار. ولاردىڭ 9-ى «تالگوعا» تيەسٸلٸ. قر زاڭناماسىنا سەيكەس, كوممەرتسييالىق باعىتتا بيلەت قۇنىن تاسىمالداۋشى ٶزٸ قويادى. باعا جولاۋشىلار اعىنى مەرەكە كٷندەرٸ باسىمدىق بەرٸلەتٸن باعىتتارعا بايلانىستى بولادى. بۇل باعىتتاردا بيلەت قۇنى +- 35 پايىزعا دەيٸن جەتەدٸ. جولاۋشىلار 35 %-دىق جەڭٸلدٸكپەن, نەمەسە 35 %-دىق ٷستەمەمەن ساتىپ الا الادى. بيلەت قۇنىنان تٷسكەن قارجى نەگٸزٸنەن جاڭا سەرۆيستٸك قىزمەتتەردٸ ەنگٸزۋگە, ۆاگون پاركٸنٸڭ تەحنيكالىق قامتىلۋىن جاقسارتۋعا جۇمسالادى», - دەيدٸ «قازاقستان تەمٸر جولى» اق باسپاسٶز حاتشىسى رۋسلان يمانقۇلوۆ.
ايتا كەتۋ كەرەك, ەلەۋمەتتٸك جەلٸدە تەمٸر جول بيلەتتەرٸنٸڭ اسا قىمباتتىعىن, پويىزدارداعى سەرۆيستٸك جوقتىعىن سىناۋشىلاردىڭ سانى كٶپ.
