«جولاۋشىلار تاسىمالى» اق باس ديرەكتورىنىڭ وپەراتسييالىق مەسەلەلەر جٶنٸندەگٸ ورىنباسارى يورگ بەسۆەر تەمٸرجول قوزعالىسى كەزٸندەگٸ شەكتەۋلەر تۋرالى ايتتى, - دەپ حابارلايدى قازاقپارات.
«نەگٸزگٸ شارالار ۆاگونداردا ٸلٸنٸپ تۇراتىن ەرەجەلەردە جازىلادى. بٸز جولاۋشىلارعا جەكە قورعانىس زاتتارىن – ماسكا, انتيسەپتيك, قولعاپ پەن باسقا دا دٷنيەلەردٸ كٶپ مٶلشەردە الىپ جٷرۋگە كەڭەس بەرەمٸز. سەبەبٸ, ماسكاسىز ۆوكزالعا كٸرۋگە رۇقسات جوق. ۆاگوندارعا دا كٸرمەيدٸ. سوندىقتان, جولاۋشىلارعا ايتارىمىز – ادامداردىڭ ٶمٸرٸنە جاۋاپ بەرەتٸن بولعاندىقتان بٸزگە قاۋٸپسٸزدٸك ماڭىزدى. جولاۋشىلاردىڭ بٸزگە كٶمەكتەسۋٸن سۇرايمىز», - دەدٸ يورگ بەسۆەر نۇرلى جول ۆوكزالىندا جۋرناليستەرگە.
سونداي-اق, ول جولاۋشىلاردىڭ قالاي وتىرعىزىلاتىنىن جەنە قانشا بيلەت ساتىلعانىن دا ايتتى.
«جولاۋشىلاردى وتىرعىزۋ بويىنشا شەكتەۋ جوق, سوندىقتان بۇرىنعىشا وتىرعىزىلادى. پويىز ٸشٸندە جٷرۋگە شەكتەۋ قويىلادى, ياعني ۆاگونعا مٸنگەن جولاۋشى تەك سوندا بولادى. كەزەك بولماس ٷشٸن بارلىق جولاۋشىلارعا بيلەتتەردٸ ونلاين الۋعا كەڭەس بەرەمٸز», - دەپ اتاپ ٶتتٸ سپيكەر.
ونىڭ ايتۋىنشا, ۆاگوندار بٸر كٷندە بٸرنەشە رەت جەلدەتٸلٸپ, دەزينفەكتسييالانادى.
«جەلدەتۋ جەنە سالقىنداتۋ جٷيەسٸ دەزينفەكتسييالاندى, تولىق دايىن. كٷنٸنە كەم دەگەندە 3 رەت ۆاگوندار جەلدەتٸلٸپ, ەكٸ رەت تازارتىلادى. بٸز ٶز تاراپىمىزدان جولاۋشىلاردى قورعاۋ ٷشٸن قولدان كەلگەنٸن جاساپ جاتىرمىز», - دەپ تٷيٸندەدٸ ي. بەسۆەر.
