كٶلٸكتەگٸ مەملەكەتتٸك باس سانيتارلىق دەرٸگەر سەدۋاقاس بايعابىلوۆ 1 ماۋسىمنان ەلٸمٸزدە كەزەڭ-كەزەڭمەن ٸشكٸ تەمٸرجول قاتىناسىن جانداندىرۋ شارالارىنا قاتىستى تٷسٸنٸك بەردٸ, دەپ حابارلايدى قازاقپارات.
«تيٸستٸ قاۋلىدا تەمٸرجول ۆوكزالدارىنىڭ باسشىلىعى, تاسىمالداۋشىلار مەن جولاۋشى تاسىمالداۋدا قىزمەت كٶرسەتەتٸن ۇيىمدار قامتاماسىز ەتۋٸ تيٸس باستى شارالار ايقىندالدى. ونىڭ ٸشٸندەگٸ نەگٸزگٸلەرٸنە توقتالساق, ۆوكزال عيماراتىنا كٸرەر الدىندا جولاۋشىلاردا مەديتسينالىق ماسكا مەن جول جٷرۋ بيلەتٸ بولۋى كەرەك. سونىمەن قاتار, عيماراتقا كٸرەر كەزدە ۆوكزالدىڭ ٶزٸندٸك قاۋٸپسٸزدٸك قىزمەتٸ تەرمومەترييا جٷرگٸزەتٸن بولادى», - دەدٸ س. بايعابىلوۆ ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, تەمٸرجول ۆوكزالدارى جۇمىسىن جانداندىرۋ مەن ۆاگونداردىڭ قوزعالىسىن قامتاماسىز ەتۋ الدىندا كونديتسيونەرلەۋ جٷيەسٸ تولىق تەكسەرٸلٸپ, فيلترلەر اۋىستىرىلادى.
«پويىزداردا دەزينفەكتسييالىق رەجيمدٸ كٷشەيتۋ ماڭىزدى تالاپتاردىڭ بٸرٸ بولادى. مۇنىمەن قوسا, پويىز بريگادالارى, قىزمەتكەرلەر ماسكامەن جٷرۋٸ كەرەك. ۆاگوندار اراسىندا جولاۋشىلاردىڭ قوزعالىسىنا شەكتەۋ ەنگٸزٸلەدٸ», - دەدٸ ول.
بەلگٸلٸ بولعانداي, جولاۋشىلاردى شىعارىپ سالۋعا بٸرگە ٸلەسٸپ كەلگەن ادامدار ۆوكزال عيماراتىنا كٸرگٸزٸلمەيدٸ.
بۇدان بۇرىن حابارلانعانداي, 2020 جىلعى 1 ماۋسىمنان باستاپ مەملەكەتتٸك باس سانيتار دەرٸگەردٸڭ تالاپتارىن ساقتاۋدى ەسكەرە وتىرىپ, كەزەڭ-كەزەڭمەن ٸشكٸ تەمٸرجول قاتىناسىن جانداندىرۋ جوسپارلانىپ وتىر.
