Kóliktegi memlekettik bas sanitarlyq dáriger Sádýaqas Baiǵabylov 1 maýsymnan elimizde kezeń-kezeńmen ishki temirjol qatynasyn jandandyrý sharalaryna qatysty túsinik berdi, dep habarlaidy QazAqparat.
«Tiisti qaýlyda temirjol vokzaldarynyń basshylyǵy, tasymaldaýshylar men jolaýshy tasymaldaýda qyzmet kórsetetin uiymdar qamtamasyz etýi tiis basty sharalar aiqyndaldy. Onyń ishindegi negizgilerine toqtalsaq, vokzal ǵimaratyna kirer aldynda jolaýshylarda meditsinalyq maska men jol júrý bileti bolýy kerek. Sonymen qatar, ǵimaratqa kirer kezde vokzaldyń ózindik qaýipsizdik qyzmeti termometriia júrgizetin bolady», - dedi S. Baiǵabylov Ortalyq kommýnikatsiialar qyzmetinde.
Onyń sózine qaraǵanda, temirjol vokzaldary jumysyn jandandyrý men vagondardyń qozǵalysyn qamtamasyz etý aldynda konditsionerleý júiesi tolyq tekserilip, filtrler aýystyrylady.
«Poiyzdarda dezinfektsiialyq rejimdi kúsheitý mańyzdy talaptardyń biri bolady. Munymen qosa, poiyz brigadalary, qyzmetkerler maskamen júrýi kerek. Vagondar arasynda jolaýshylardyń qozǵalysyna shekteý engiziledi», - dedi ol.
Belgili bolǵandai, jolaýshylardy shyǵaryp salýǵa birge ilesip kelgen adamdar vokzal ǵimaratyna kirgizilmeidi.
Budan buryn habarlanǵandai, 2020 jylǵy 1 maýsymnan bastap Memlekettik bas sanitar dárigerdiń talaptaryn saqtaýdy eskere otyryp, kezeń-kezeńmen ishki temirjol qatynasyn jandandyrý josparlanyp otyr.
