فوتو: Polisia.kz
كيبەرقىلمىسقا قارسى ٸس-قيمىل باسقارماسى جٷرگٸزگەن جەدەل-ٸزدەستٸرۋ شارالارى بارىسىندا ٸرٸ كٶلەمدەگٸ الاياقتىق دەرەگٸ انىقتالدى, دەپ حابارلايدى Ult.kz.
تەرگەۋ كەزٸندە د. ەسٸمدٸ ازاماتتىڭ دەپوزيتتٸك ەسەپشوتىنان 28,4 ملن تەڭگە بەلگٸسٸز ادامداردىڭ ەسەپشوتتارىنا زاڭسىز اۋدارىلعانى انىقتالدى.
بۇل فاكتٸ بويىنشا قر قىلمىستىق كودەكسٸنٸڭ 190-بابى 4-بٶلٸگٸ بويىنشا قىلمىستىق ٸس قوزعالدى. جەدەل-ٸزدەستٸرۋ شارالارى بارىسىندا استانا قالاسىندا ٷش ادام ۇستالدى. ولاردىڭ ەكەۋٸ – اقتاۋ قالاسىنىڭ, بٸرەۋٸ – قاراعاندى وبلىسىنىڭ تۇرعىنى. تەرگەۋ نەتيجەسٸندە كٷدٸكتٸلەردٸڭ ەسەپشوتىنا جەبٸرلەنۋشٸنٸڭ اقشاسى تٷسكەنٸ بەلگٸلٸ بولدى. قىلمىستى ۇيىمداستىردى دەگەن كٷدٸككە ٸلٸنگەن اقتاۋ قالاسىنىڭ تۇرعىنى جاسىرىنىپ جٷرگەن جەرٸنەن ۇستالىپ, ۋاقىتشا ۇستاۋ يزولياتورىنا قامالدى.
