21 قازاندا قازاقستاندا 181 ادامنىڭ كوروناۆيرۋس پنەۆمونيياسىنا شالدىققانى انىقتالدى. پنەۆمونييانىڭ وسى تٷرٸنەن بٸر كٷندە 45 ادام جازىلىپ, 2 ادام قايتىس بولدى.
دەنساۋلىق ساقتاۋ مينيسترلٸگٸنٸڭ تاراتقان اقپاراتى بويىنشا, 1 تامىزدان بەرٸ 36 381 ادام كوروناۆيرۋس پنەۆمونيياسىنا شالدىققان, 28 363 ادام جازىلعان, 390 ادام قايتىس بولعان.
ايتا كەتەيٸك, ەلٸمٸزدە كوروناۆيرۋس جۇققانى پتر تەستٸمەن راستالعاندار مەن كلينيكالىق بەلگٸلەرٸ بويىنشا كوروناۆيرۋسقا شالدىققاندار (كوروناۆيرۋس پنەۆمونيياسى) ەسەبٸ بٶلەك جارييالانىپ جاتىر.
21 تامىزدا كوروناۆيرۋس جۇققانى تەستپەن راستالعاندار اراسىندا 3 ادام قايتىس بولعان. ناۋرىز ايىنان بەرٸ كوروناۆيرۋستان بارلىعى 1806 ادام كٶز جۇمعان.
قازٸر 2 716 ادام كوروناۆيرۋستان ەمدەلٸپ جاتىر, 177-ٸ - بالا. ستاتسيوناردا - 2 118 ادام, امبۋلاتورلىق جاعدايدا 598 ادام ەمدەلٸپ جاتىر. 101 ادامنىڭ جاعدايى - اۋىر, 10 ادامنىڭ جاعدايى - ٶتە اۋىر, 15 ادام جاساندى تىنىس الۋ اپپاراتىمەن دەم الىپ جاتىر.
