قر پارلامەنت مەجٸلٸسٸنٸڭ دەپۋتاتى ارتۋر پلاتونوۆ ەلدەگٸ «قوس بيلٸك» قاۋەسەتٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«قوس بيلٸك دەگەن نە? بۇل جاعداي بٸر ادام ەلدٸ بٸر جاققا, ال ەكٸنشٸسٸ باسقا جاققا تارتقان كەزدە ورىن الادى. ەگەر دە قاسىم-جومارت كەمەلۇلىنىڭ سايلاۋالدى ۇرانىن ەسكە الساق, وندا بٸرٸنشٸ پۋنكت ساباقتاستىققا قاتىستى. بٸز ساياساتتا بارلىق ستراتەگييالىق ەرٸ ەلەۋمەتتٸك باعدارلامالاردا جٷيەلٸ مٷلتٸكسٸز باعىتتى كٶرٸپ تۇرمىز. ياعني سىرتقى جەنە ٸشكٸ ساياساتقا, ادامدار ەل-اۋقاتىنىڭ ارى قاراي ٶسٸمٸنە قاتىستى كٶزقاراستا تولىقتاي ىنتىماق مەن بٸرلٸك قالىپتاسقان. بۇل ٶز كەزەگٸندە ساياساتتىڭ نەگٸزٸ», - دەدٸ ا. پلاتونوۆ پارلامەنت مەجٸلٸسٸندە تٸلشٸلەر ساۋالىنا جاۋاپ بەرە وتىرىپ.
ونىڭ پايىمىنشا, بيلٸك ترانزيتٸ – ول كەز كەلگەن مەملەكەت ٷشٸن مازاسىز كٷي كەشتٸرەتٸن سەت.
«ەلەمدە دەل وسى سەتتە كٷردەلٸ ەرٸ بولجاپ ايتۋعا بولمايتىن وقيعالار بولىپ جاتقانىن كٶرٸپ جٷرمىز. بۇل تۇرعىدا قوعامنىڭ جٸككە بٶلٸنۋٸ مەن قاقتىعىس جاعدايىنىڭ تۋىنداۋى, سونداي-اق كەي كەزدەردە ەلدٸڭ تۇتاستىعىنان, تەۋەلسٸزدٸگٸنەن ايىرىلۋى سەكٸلدٸ قيىن احۋال ورىن الادى. سوندىقتان دا ەلباسى نۇرسۇلتان ەبٸشۇلى نازارباەۆ ۇسىنعان بەيبٸت ەرٸ سالماقتى بيلٸك ترانزيتٸ كٶبٸسٸ ٷشٸن ٷلگٸ بولارلىق قۇبىلىس. اتاپ ايتقاندا, بٷگٸندە وسى مودەلدٸ ساراپشىلار زەرتتەپ جاتىر. كەز كەلگەن مەملەكەت ٷشٸن جاۋاپتى جەنە تاريحي وسى سەتتە تيٸستٸ ساياساتتى جٷرگٸزۋ ماڭىزدى. مەملەكەتتەگٸ بٸرلٸك پەن ىنتىماق, سونداي-اق ەل حالقىنىڭ مٷددەسٸ ٷشٸن تەۋەلسٸز ساياساتتىڭ جٷرگٸزٸلۋٸ كەيبٸرەۋلەرٸنە ۇناماۋى مٷمكٸن», - دەدٸ دەپۋتات.
