فوتو: اشىق دەرەككٶز
رامازان ايىندا بەرٸلەتٸن پٸتٸر ساداقانى ۋاقىتىندا بەرە الماعاندار نە ٸستەۋ كەرەك جەنە بۇل ساداقانىڭ مٶلشەرٸ قالاي بەكٸتٸلەدٸ. پٸتٸر ساداقاعا قاتىتى ەل كٶكەيٸندەگٸ سۇراقتاردىڭ جاۋابىن muftyat.kz جارييالادى.
باسىلىمنىڭ جازۋىنشا, پٸتٸر ساداقاسى قاجەتتٸلٸگٸن قوسپاعاندا, مال-مٷلكٸ نيساب (شاريعات بەكٸتكەن بايلىقتىڭ زەكەت بەرۋگە جەتكەن ەڭ از مٶلشەرٸ) مٶلشەرٸنە جەتكەن ەربٸر مۇسىلماننىڭ بەرۋٸ ۋەجٸپ. ول ورازانىڭ قاتە-كەمشٸلٸكتەرٸن تولتىراتىن, قۇدايعا شٷكٸرشٸلٸك ەتۋ ٷشٸن بەرٸلەتٸن جەنە كەدەيلەردٸ قۋانتاتىن ساداقا.
يبن وماردان جەتكەن حاديستە بىلاي دەيدٸ:
"اللانىڭ ەلشٸسٸ رامازان ايىندا پٸتٸر ساداقاسىن ەر بٸر ازات مۇسىلمانعا, ەر مەن ەيەلگە, ٷلكەن مەن كٸشٸگە بٸر ساع قۇرما نەمەسە ارپادان بەرۋدٸ مٸندەتتەدٸ. ەرٸ ونى ادامدار ايت نامازىنا شىقپاس بۇرىن ٶتەۋدٸ ەمٸر ەتتٸ".
يبن ابباستان (ر.ا.) جەتكەن حاديستە:
"اللانىڭ ەلشٸسٸ (وعان اللانىڭ سالاۋاتى مەن سەلەمٸ بولسىن) پٸتٸر ساداقاسىن بەرۋدٸ رامازان ايىنداعى ورازا كەزٸندە جٸبەرٸلگەن قاتەلٸكتەردٸ تازارتۋ ٷشٸن ەرٸ مٸسكٸندەرگە بٸر توي بولۋ ٷشٸن مٸندەت ەتكەن", - دەلٸنگەن.
تۇرمىسى ناشار, ياعني ارتىق مال-مٷلكٸ نيساب مٶلشەرٸنە جەتپەگەن كٸسٸ پٸتٸر ساداقا بەرۋگە مٸندەتتٸ ەمەس, ساۋاپ ٷشٸن بەرٸپ جاتسا ٶز ەركٸ. قايتىس بولعان ادامدارعا, انا قۇرساعىنداعى بالاعا پٸتٸر ساداقا بەرٸلمەيدٸ.
پٸتٸر ساداقانىڭ مٶلشەرٸ بيداي نەمەسە ۇن جەنە مەيٸزدەن جارتى ساع (2 كگ), ال ارپا مەن قۇرمادان بٸر ساع (4 كگ), ياكي وسىلاردىڭ اقشالاي قۇنى بەرٸلەدٸ.
2025 جىلعى پٸتٸر ساداقانىڭ باعاسى نارىقتىق ورتاشا باعاسىمەن ەسەپتەلٸپ تٶمەندەگٸدەي بەكٸتٸلدٸ:
بيداي 2 كگ – 376 تەڭگە.
ۇن 2 كگ – 655 تەڭگە.
ارپا 4 كگ – 569 تەڭگە.
مەيٸز 2 كگ – 5626 تەڭگە.
قۇرما 4 كگ – 10 523 تەڭگە.
قازٸرگٸ تاڭدا بيدايدىڭ ٶزٸ ەمەس, ۇن, تالقان سەكٸلدٸ ونىڭ ٶنٸمدەرٸ كەڭ قولدانىلادى. سول سەبەپتٸ قازاقستان مۇسىلماندارى دٸني باسقارماسى پٸتٸر ساداقانىڭ قۇنىن ۇنمەن ەسەپتەۋدٸ نەگٸزگە الادى. ٶيتكەنٸ شاريعاتتا بيدايمەن قاتار ونىڭ ٶنٸمدەرٸمەن دە پٸتٸر ساداقا بەرۋگە رۇقسات ەتٸلەدٸ.
پٸتٸر ساداقانى بەرۋدٸڭ ۋەجٸپ ۋاقىتى ايتتىڭ بٸرٸنشٸ كٷنٸ. ونى رامازان ايىنىڭ بٸرٸنشٸ كٷنٸنەن باستاپ بەرۋگە بولادى. ۋاقىتىندا بەرە الماعان جاعدايدا ايت نامازىنان كەيٸن بەرسە دە بولادى. الايدا پٸتٸردٸ ايت نامازىنا دەيٸن بەرۋ – مۇستاحاب.
ەسكە سالساق, قازاقستاننىڭ باس مٷفتيٸ ناۋرىزباي قاجى تاعانۇلى ورازادا بەرٸلەتٸن پٸتٸر ساداقاعا قاتىستى پٸكٸر بٸلدٸرگەن.
