پەتروپاۆلدىڭ 20 جاستاعى تۇرعىنى اسا ٸرٸ كٶلەمدە سينتەتيكالىق ەسٸرتكٸمەن ۇستالىپ, 10 جىلعا باس بوستاندىعىنان ايىرىلدى, دەپ حابارلايدى قازاقپارات.
سولتٷستٸك قازاقستان وبلىسى پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, 20 جاستاعى پەتروپاۆلدىقتى اقپان ايىندا ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ ۇستادى.
جٸگٸتتٸ تٸنتۋ كەزٸندە ودان 397,62 گرامم, كٶپشٸلٸككە «تۇز» اتاۋىمەن بەلگٸلٸ «الفا-PVP» سينتەتيكالىق ەسٸرتكٸ تابىلىپ, تەركٸلەندٸ. بۇل اسا ٸرٸ مٶلشەرگە جاتادى. سقو پد ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى جاندوس باسىباەۆتىڭ ايتۋىنشا, بۇل ەسٸرتكٸ مىڭداعان جاستى ناشاقورلىققا تارتۋ ٷشٸن جەتكٸلٸكتٸ.
كٷدٸكتٸنٸڭ تۇرعىلىقتى جەرٸن تەكسەرگەن پوليتسييا قىزمەتكەرلەرٸ پەتەردەن ەلەكتروندىق تارازى مەن بۋىپ-تٷيۋ ماتەريالدارىن تاپتى.
تەرگەۋ بارىسىندا جٸگٸتتٸڭ 2021 جىلدىڭ قىركٷيەگٸنەن باستاپ سينتەتيكالىق ەسٸرتكٸ ساتاتىن ينتەرنەت-دٷكەننٸڭ «تاراتۋشىسى» رەتٸندە «جۇمىس ٸستەگەنٸ» انىقتالدى. Telegram مەسسەندجەرٸ ارقىلى ساۋدا جٷرگٸزگەن ول پسيحوتروپتىق زاتتاردىڭ اسا ٸرٸ پارتييالارىن بٸرنەشە رەت قابىلداپ, ولاردى ارنايى ورىنداردا قالدىرۋ ارقىلى تاراتقان. پەتروپاۆلدا عانا ەمەس, قوستاناي وبلىسىنىڭ رۋدنىي قالاسىندا دا قىلمىستىق ٸسپەن اينالىسقان.
«ەسكە سالامىز, ەسٸرتكٸ قۇرالدارىن, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىندا زاڭسىز دايىنداۋ, قايتا ٶڭدەۋ, ساتىپ الۋ, ساقتاۋ, تاسىمالداۋ, جٶنەلتۋ نە ٶتكٸزۋ - اسا اۋىر قىلمىستار ساناتىنا جاتادى. باپتىڭ سانكتسيياسى 10 جىلدان 15 جىلعا دەيٸن باس بوستاندىعىنان ايىرۋ جازاسىن كٶزدەيدٸ. جەڭٸل جولمەن تابىس تابامىن دەپ بولاشاعىڭا بالتا شاپپا», - دەيدٸ جاندوس باسىباەۆ.
قازٸرگٸ ۋاقىتتا ينتەرنەت-دٷكەننٸڭ جۇمىسى توقتاتىلعان.
