پەتروپاۆلداعى مەدەنيەت ٷيٸنٸڭ تٶبەسٸ وپىرىلىپ تٷستٸ, ەشكٸم زارداپ شەكپەدٸ, دەپ حابارلايدى قازاقپارات.
پەتروپاۆلداعى مەدەنيەت ٷيٸ عيماراتى 1930 جىلدارى سالىنىپ پايدالانۋعا بەرٸلگەن. ەلەۋمەتتٸك نىسان 9 جىل بۇرىن كٷردەلٸ جٶندەۋدەن ٶتكەن. ەندٸ كٶنە عيمارات بٸرتٸندەپ بۇزىلىپ جاتىر. ونىڭ تٶبەسٸن ۇستاپ تۇرعان بەتون تٸرەۋٸش مايىسىپ, قۇلاپ كەتكەن. تٶبەسٸ قۇلاعاندا جاقىن ماڭدا قىزمەتكەرلەر بولماعان, ياعني زارداپ شەككەندەر جوق. قازٸرگٸ ۋاقىتتا مەدەنيەت ٷيٸنٸڭ قىزمەتكەرلەرٸ (ەكٸمشٸلٸك قۇرامنان باسقاسى) قاشىقتان جۇمىس ٸستەۋ رەجيمٸنە كٶشٸرٸلدٸ.
«ٷستٸڭگٸ قاباتتارعا كٶتەرٸلۋگە بولمايدى, تىيىم سالىندى. باسشىلىق ونى قاتتى قاداعالاۋدى تاپسىردى. تٶبەسٸنٸڭ قالعان بٶلٸگٸ قۇلاپ كەتۋ قاۋپٸ بار», - دەيدٸ مەكەمەنٸڭ كٷزەتشٸسٸ.
مەدەنيەت ٷيٸندە شىعارماشىلىق ۇجىمدارمەن قاتار مەكتەپ وقۋشىلارىنا ارنالعان 25 ٷيٸرمە جۇمىس ٸستەيدٸ. عيماراتتىڭ اپاتتىق جاعدايدا تۇرعانىنا بايلانىستى 546 تەربيەلەنۋشٸ باسقا ورتالىقتارعا اۋىستىرىلدى.
«تٸرەۋٸ مايىسىپ كەتكەن. ساراپتاما جاسالدى. تٶبەنٸ قالپىنا كەلتٸرۋ ٷشٸن جوبالىق-سمەتالىق قۇجاتتار ەزٸرلەندٸ. جٶنگە كەلتٸرۋ ٷشٸن وبلىستىق بيۋدجەتتەن قاراجات سۇرايمىز. شامامەن 105 ملن تەڭگە قاجەت. مەدەنيەت ٷيٸ قايتادان قاشان ٸسكە قوسىلاتىنى ەزٸرگە بەلگٸسٸز», - دەيدٸ پەتروپاۆل قالاسى ەكٸمٸنٸڭ ورىنباسارى اسقار حابيبۋلين.
