پەتروپاۆل ەكٸمدٸگٸ رەسەيلٸك ەنشٸ يۋريي شاتۋنوۆتى ەسكە الۋعا ارنالعان فلەشموب ٶتكٸزۋگە تىيىم سالدى.
"لاسكوۆىي ماي" توبىنىڭ سوليسٸ 23 ماۋسىمدا قايتىس بولعان. كەيٸنٸرەك ەلەۋمەتتٸك جەلٸدەگٸ جەرگٸلٸكتٸ پابليكتەردە ەنشٸنٸ ەسكە الۋعا شاقىرعان ٷندەۋلەر جارييالاندى.
حابارلامالاردا بۇل جيىنعا ارنالعان بٸرنەشە ورىن كٶرسەتٸلگەن. الايدا قالا ەكٸمدٸگٸ شارانىڭ ٶتۋٸنە تىيىم سالدى.
"قۇرمەتتٸ قالا تۇرعىندارى, ينتەرناتسيونالنايا مەن بٶكەتوۆ كٶشەلەرٸنٸڭ اراسىندا يۋريي شاتۋنوۆتى ەسكە الۋعا ارنالعان شارا ٶتكٸزٸلمەيدٸ. فلەشموب ٶتكٸزۋگە رۇقسات بەرٸلمەگەن. تەك رەسمي اقپاراتقا سەنۋلەرٸڭٸزدٸ سۇرايمىز", - دەپ جازىلعان ەكٸمدٸك حابارلاماسىندا.
ايتا كەتەيٸك, "لاسكوۆىي ماي" توبىنىڭ ەكس-سوليسٸ 49 جاسقا قاراعان شاعىندا دٷنيەدەن وزدى. مۋزىكانتتى قۇتقارماق بولعان دومودەدوۆو اۋرۋحاناسىنىڭ باس دەرٸگەرٸنٸڭ ايتۋىنشا, شاتۋنوۆ ەمدەۋ مەكەمەسٸنە كلينيكالىق ٶلٸم جاعدايىندا جەتكٸزٸلگەن. ولار قولدان كەلگەننٸڭ بەرٸن جاساعان, بٸراق يۋرييدٸ امان الىپ قالا المادى.
بٷگٸن رەسەيدە ەنشٸنٸ اقتاق ساپارعا شىعارىپ سالۋ رەسٸمٸ ٶتٸپ جاتىر.
