OLX سايتىندا بيٸكتٸگٸ 3,5 مەتر ۆلاديمير لەنيننٸڭ قولا مٷسٸنٸ ساتۋعا قويىلدى, - دەپ حابارلايدى Tengrinews.kz پەتروپاۆلوۆسك.news سايتىنا سٸلتەمە جاساپ.
كاپيتاليزم تۇسىندا بەرٸن ساتىپ الۋعا بولادى, سونىڭ ٸشٸندە - لەنين ەسكەرتكٸشٸن دە. مٷسٸننٸڭ سالماعى 1400 كەلٸ ەكەنٸ حابارلاندى. ەسكەرتكٸش تۇعىرىندا "كسرو ٶنەر قورى, مىتيششينسك كٶركەم قۇيۋ زاۋىتى" دەگەن جازۋ بار.
"مۇنداي قۇندى ەكسپوناتتىڭ يەسٸ ونى قايدان العانىن ايتۋدان باس تارتتى, ول لەنين مٷسٸنٸن تٷرلٸ-تٷستٸ مەتالل سىنىقتارى ەمەس, تاريحي ەسكەرتكٸش رەتٸندە ساتاتىنىن حابارلادى. باعاسى 1 600 000 ت دەپ تۇر, بٸراق جارنامانىڭ مەتٸنٸندە اقشا رۋبلمەن كٶرسەتٸلگەنٸ جازىلعان. ۇلتتىق ۆاليۋتاعا اۋىستىرعاندا بۇل شامامەن 9 ميلليون تەڭگە", - دەلٸنگەن سايتتا.
ەسكەرتكٸش شىنىمەن قولادان جاسالسا, وندا تٷستٸ مەتالل سىنىقتارى نارىعىنداعى ونىڭ قۇنى شامامەن 1400 كەلٸگە 2 ميلليون تەڭگە بولادى.
