پەتروپاۆل قالالىق مەدەنيەت ٷيٸنٸڭ شاتىرى قۇلادى, زارداپ شەككەندەر جوق, دەپ حابارلايدى قازاقپارات.
وقىس وقيعا كەشە 24 اقپان كٷنٸ ساعات 20.10 مينۋت كەتكەندە بولعان. پەتروپاۆلداعى سەتپاەۆ كٶشەسٸ, 37 مەكەن-جايىندا ورنالاسقان قالالىق مەدەنيەت ٷيٸنٸڭ شاتىرى وپىرىلىپ قۇلادى.
سقو ەكٸمدٸگٸنٸڭ مەدەنيەت, تٸلدەردٸ دامىتۋ جەنە مۇراعات ٸسٸ باسقارماسىنىڭ مەلٸمەتٸنشە, عيمارات ەسكٸ, قۇرىلىمداردىڭ توزۋى سالدارىنان تٶبەسٸ وپىرىلىپ, كٶرەرمەن زالىنىڭ ٷستٸندەگٸ شاتىردىڭ تٸرەك ارقالىقتارى سىنعان. بٷلٸنگەن اۋدان شامامەن 500 م2 الىپ جاتىر. زارداپ شەككەندەر جوق.
«2021 جىلعى ماۋسىمدا نىسان شاتىرىنىڭ جاي-كٷيٸن تەحنيكالىق تەكسەرۋ بارىسىندا كونتسەرت زالىنىڭ ٷستٸندەگٸ شاتىردىڭ اپاتتىق جاعدايدا تۇرعانى تۋرالى تەحنيكالىق قورىتىندى بەرٸلدٸ. تيٸستٸ ساراپتامادان ٶتكٸزٸلگەننەن كەيٸن, شاتىردى كٷردەلٸ جٶندەۋگە بىلتىر 30 قاراشا جوبالىق-سمەتالىق قۇجاتتاما ەزٸرلەندٸ. قازٸرگٸ ۋاقىتتا پەتروپاۆل قالاسىنىڭ ەكٸمدٸگٸ, سقو ەكٸمدٸگٸنٸڭ مەدەنيەت, تٸلدەردٸ دامىتۋ جەنە مۇراعات ٸسٸ باسقارماسى مەسليحاتتىڭ كەزەكتٸ سەسسيياسىنا كٷردەلٸ جٶندەۋ جٷرگٸزۋ ٷشٸن قاراجات بٶلۋ تۋرالى ٶتٸنٸش بەردٸ», - دەلٸنگەن باسقارما تاراتقان حابارلامادا.
پەتروپاۆل قالالىق مەدەنيەت ٷيٸندە 27 شىعارماشىلىق ۇجىم - 548 ادام ەڭبەك ەتەدٸ. ٶتكەن جىلدىڭ ماۋسىم ايىنان باستاپ وسى ۋاقىتقا دەيٸن شىعارماشىلىق ۇجىمدار جالعا بەرٸلەتٸن عيماراتتاردا جۇمىس ٸستەپ جاتىر.
«نىسان ٶتكەن جىلدىڭ قاراشا ايىنان بەرٸ اپاتتىق جاعدايعا بايلانىستى جابىق تۇرعان. بۇل نىسان كٸمنٸڭ بالانسىندا تۇر, سول, ياعني ەكٸمدٸك جاۋاپ بەرەدٸ. بۇل جەردە زارداپ شەككەندەر, قازا تاپقاندار بولماعاندىقتان, بٸزدٸڭ قۇزٸرەتٸمٸزگە كٸرمەيدٸ», - دەيدٸ سقو تجد ماماندارى.
مەدەنيەت ٷيٸ عيماراتى 1930 جىلدارى سالىنعان. نىسان 10 جىل بۇرىن كٷردەلٸ جٶندەۋدەن ٶتكەن. ەندٸ كٶنە عيمارات بٸرتٸندەپ بۇزىلىپ جاتىر. بىلتىر قازان ايىنىڭ سوڭىندا نىساننىڭ تٶبەسٸنٸڭ بٸر بٶلٸگٸ قۇلاعان ەدٸ.
