پەتروپاۆلدا كٶپقاباتتى ٷيدٸڭ ماڭىندا يتتٸ سويعانداردىڭ كٸم ەكەنٸ انىقتالىپ, تەرگەۋ امالدارى باستالدى, دەپ حابارلايدى "ۇلت اقپارات".
بۇعان دەيٸن پەتروپاۆلدا بەلگٸسٸز بٸرەۋلەردٸڭ كٶپقاباتتى ٷيدٸڭ ماڭىندا يتتٸ سويعانىن ايتقان ەدٸك. بەينەجازبا ەلەۋمەتتٸك جەلٸدە تارادى.
سولتٷستٸك قازاقستان وبلىسى پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, وسى دەرەككە قاتىستى پەتروپاۆلدا قر قك 316-بابى «جانۋارلارعا قاتٸگەزدٸك جاساۋ» بويىنشا سوتقا دەيٸنگٸ تەرگەۋ باستالدى. قازٸرگٸ ۋاقىتتا بٸرٸنشٸ پوليتسييا بٶلٸمٸنٸڭ قىزمەتكەرلەرٸ سوتقا دەيٸنگٸ تەرگەۋ اياسىندا جۇمىس ٸستەپ جاتىر.
يتتٸ سويعاندار 42 جاستاعى ەر ادام مەن 60 جاستاعى ەيەل. جەدەل ۋەكٸلدەر ولاردى انىقتاپ, ۇستادى.
پەتروپاۆلداعى «فاۋنا» قوعامدىق بٸرلەستٸگٸ ٶكٸلدەرٸ دە بۇل وقيعا جايىندا پٸكٸر بٸلدٸردٸ.
«بٷگٸن بارلىعى جانتٷرشٸگەرلٸك بەيناجازبانى كٶردٸ... بۇل وڭباعانداردى جازالاپ, قىلمىستىق جاۋاپقا تارتۋ ٷشٸن بارىنشا كٷش سالعان بويجەتكەنگە العىس ايتامىز. قازٸر مەن دە بارىپ, «فاۋنا» قب ۆولونتەرلەرٸ اتىنان ارىز جازامىن. مۇنداي ارىزداردىڭ كٶپ بولعانى دۇرىس, سوندا ولار جازادان قۇتىلىپ كەتپەيدٸ.
2020 جىلى بۇل ەيەل بٸزگە دە كەلٸپ يت سۇراعان ەدٸ. ولاردان بۇعان دەيٸن دە قانشاما جانۋار زارداپ شەگۋٸ مٷمكٸن», - دەيدٸ ۆولونتەر.
