پ
ەتروپاۆلدا باسپاناسىز قالعان 83 جاستاعى ليۋدميلا نوسيككە ەلەۋمەتتٸك قىزمەتكەر پەتەرٸن قايتارىپ بەردٸ, دەپ حابارلايدى قازاقپارات تٸلشٸسٸ.
ەستەرٸڭٸزگە سالايىق, پەتروپاۆلدىڭ 83 جاستاعى تۇرعىنى, تىل ارداگەرٸ ليۋدميلا نوسيكتٸڭ پەتەرٸنەن ايىرىلىپ, دالادا قالعانىن ايتقان ەدٸك. زەينەتكەردٸڭ نەمەرەسٸ ناتاليا سەرەدا ەجەسٸنٸڭ 2 بٶلمەلٸ پەتەرسٸز قالعانىن ەستٸپ, شۋ شىعارعان ەدٸ. ايتۋىنشا, باسپانانى ارداگەرگە 4 اي بويى قىزمەت كٶرسەتكەن ەلەۋمەتتٸك قىزمەتكەر سىي قۇجات ارقىلى ٶز اتىنا اۋدارىپ العان.
19 مامىر كٷنٸ ولارعا ەلەۋمەتتٸك قىزمەتكەردٸڭ ادۆوكاتى حابارلاسقان. ول نوتاريۋسقا بٸرگە بارىپ, بۇعان دەيٸن سىي قۇجاتپەن بەرٸلگەن پەتەردٸ ەجەيدٸڭ اتىنا قايتا تٷسٸرەتٸندٸكتەرٸن ايتقان.
«ەرتەڭٸنە ەجەم ەكەۋٸمٸز نوتاريۋسقا بارىپ, پەتەردٸ قايتا اتىنا تٷسٸردٸك. كەزدەسۋگە ەلەۋمەتتٸك قىزمەتكەر دە كەلدٸ. ٸسٸنە ٶكٸنگەنٸ بايقالمايدى, ەجەمنەن كەشٸرٸم دە سۇرامادى», - دەيدٸ ناتاليا سەرەدا.
ناتاليا سول كٷنٸ بارىپ, پەتەر ەسٸگٸنٸڭ قۇلپىن اۋىستىرعان. الايدا ول باسپاناعا ەجەسٸن اپارمايتىن بولىپ شەشتٸ.
«پەتەردٸڭ استان-كەستەڭٸ شىعىپ جاتىر. جيھاز ەسكٸ بولعاندىقتان تيٸسپەپتٸ. قۇندى زات ٸزدەگەندەي. سول سەبەپتٸ ەجەمدٸ وندا اپارۋعا باتپاي وتىرمىن. ٷيٸنٸڭ قازٸرگٸ جاعدايىن كٶرسە جىلاپ, قان قىسىمى كٶتەرٸلەدٸ. مەن بۇل ٸستٸ سوڭىنا دەيٸن جەتكٸزبەكپٸن. ياعني ەلەۋمەتٸك قىزمەتكەر جازالانۋى تيٸس», - دەيدٸ ناتاليا سەرەدا.
نەمەرەسٸ تەرگەۋ اياقتالىسىمەن ەجەسٸن ٶزٸنٸڭ قازٸرگٸ تۇرعىلىقتى جەرٸ – مەسكەۋگە الىپ كەتپەك.
