P
etropavlda baspanasyz qalǵan 83 jastaǵy Liýdmila Nosikke áleýmettik qyzmetker páterin qaitaryp berdi, dep habarlaidy QazAqparat tilshisi.
Esterińizge salaiyq, Petropavldyń 83 jastaǵy turǵyny, tyl ardageri Liýdmila Nosiktiń páterinen aiyrylyp, dalada qalǵanyn aitqan edik. Zeinetkerdiń nemeresi Natalia Sereda ájesiniń 2 bólmeli pátersiz qalǵanyn estip, shý shyǵarǵan edi. Aitýynsha, baspanany ardagerge 4 ai boiy qyzmet kórsetken áleýmettik qyzmetker syi qujat arqyly óz atyna aýdaryp alǵan.
19 mamyr kúni olarǵa áleýmettik qyzmetkerdiń advokaty habarlasqan. Ol notariýsqa birge baryp, buǵan deiin syi qujatpen berilgen páterdi ájeidiń atyna qaita túsiretindikterin aitqan.
«Erteńine ájem ekeýimiz notariýsqa baryp, páterdi qaita atyna túsirdik. Kezdesýge áleýmettik qyzmetker de keldi. Isine ókingeni baiqalmaidy, ájemnen keshirim de suramady», - deidi Natalia Sereda.
Natalia sol kúni baryp, páter esiginiń qulpyn aýystyrǵan. Alaida ol baspanaǵa ájesin aparmaityn bolyp sheshti.
«Páterdiń astan-kesteńi shyǵyp jatyr. Jihaz eski bolǵandyqtan tiispepti. Qundy zat izdegendei. Sol sebepti ájemdi onda aparýǵa batpai otyrmyn. Úiiniń qazirgi jaǵdaiyn kórse jylap, qan qysymy kóteriledi. Men bul isti sońyna deiin jetkizbekpin. Iaǵni áleýmetik qyzmetker jazalanýy tiis», - deidi Natalia Sereda.
Nemeresi tergeý aiaqtalysymen ájesin óziniń qazirgi turǵylyqty jeri – Máskeýge alyp ketpek.
