سولتٷستٸك قازاقستان وبلىسىندا ەكٸ ەلدٸ مەكەن كارانتينگە جابىلدى. قازٸر ولاردىڭ قاتارىنا پەتروپاۆل قالاسىن دا قوسۋ مەسەلەسٸ تالقىلانىپ جاتىر, دەپ حابارلايدى "ۇلت اقپارات".
سقو تاۋارلار مەن كٶرسەتٸلەتٸن قىزمەتتەردٸڭ ساپاسىن باقىلاۋ دەپارتامەنتٸ جەتەكشٸسٸنٸڭ ورىنباسارى تاتيانا گورلوۆانىڭ ايتۋىنشا, ٶڭٸردە كوروناۆيرۋس ينفەكتسيياسىنىڭ تارالۋىنىڭ الدىن الۋعا بايلانىستى تيٸستٸ جۇمىستار اتقارىلىپ جاتىر. الايدا حالىق ەلٸ كٷنگە دەيٸن بۇل ٸندەتتٸڭ قانشالىقتى قاۋٸپتٸ ەكەنٸن تٷسٸنبەيدٸ. مامانداردىڭ نۇسقاۋلارىن ورىنداپ, قولدان كەلگەنشە ٷيدەن شىقپاۋ قاجەتتٸگٸنە مەن بەرمەيدٸ.
«كٷننەن-كٷنگە ٸندەتتٸ جۇقتىرعاندار سانى ارتىپ كەلەدٸ. قازٸر ٶڭٸردە ينفەكتسييانى جيناۋ كەزەڭٸ ٶتٸپ جاتىر دەپ ايتۋعا بولادى. ودان كەيٸن اۋرۋدىڭ شىڭىنا جەتەمٸز. كەيٸن جاعداي تۇراقتالادى. بۇل - ەلەمدٸك تەجٸريبە كٶرسەتٸپ وتىرعانداي, 2-3 اپتاعا سوزىلۋى مٷمكٸن. تەك سودان كەيٸن عانا بەتٸ قايتا باستايدى. بٸز بۇل ينفەكتسييادان تەز قۇتىلعىمىز كەلسە مامانداردى تىڭداپ, ٷيدەن شىقپاۋىمىز كەرەك. سٸزدەر بٸزگە ٷيدە وتىرۋ ارقىلى عانا كٶمەكتەسە الاسىزدار. ال ەگەر ۇسىنىستار ورىندالماعان جاعدايدا, بۇل اۋرۋ ەڭ كەمٸندە 2-3 ايعا سوزىلۋى مٷمكٸن», - دەيدٸ تاتيانا گورلوۆا.
تاتيانا گورلوۆانىڭ ايتۋىنشا, قالا كٶشەلەرٸندە ەلٸ دە بەيساۋات جٷرگەن ادامداردى كەزدەستٸرۋگە بولادى. ساۋدا ورىندارىندا دا ەكٸ مەتر ارا قاشىقتىقتى ساقتامايتىندار بارشىلىق.
«قازٸرگٸ بٸزدٸڭ مٸندەتٸمٸز كوروناۆيرۋستىڭ وشاقتارىن انىقتاپ, ونىڭ ەرٸ قاراي تارالۋىنا جول بەرمەۋ. 65 جاستان اسقان ادامدارعا ٷيلەرٸڭٸزدەن شىقپاڭىزدار دەيمٸز. دەنٸ ساۋ, جاس ادامدار بۇل ٸندەتتٸ جۇقتىرعانىمەن, ولاردان اۋرۋدىڭ بەلگٸلەرٸ بايقالماۋى نەمەسە جەڭٸل تٷردە ٶتۋٸ مٷمكٸن. بٸراق تا ولار ينفەكتسييانى تاسۋشى رەتٸندە باسقالارعا قاۋٸپ تٶندٸرەدٸ. سۋىق تييۋدٸڭ بەلگٸلەرٸ بولعان جاعدايدا ەمحاناعا كەلۋدٸڭ قاجەتٸ جوق, بٸردەن جەدەل جەردەم قىزمەتٸن شاقىرىڭىزدار», - دەيدٸ سانيتارلىق دەرٸگەر.
قازٸر پەتروپاۆل قالاسىندا كٷندەلٸكتٸ 183 كٶشە جۋىلىپ, دەزينفەكتسييالانىپ جاتىر. بۇل جۇمىستارعا 10 تەحنيكا بٶلٸنگەن.
«قاجەت بولعان جاعدايدا دەزينفەكتسييا جاسايتىن كٷش-قۇرالداردى ارتتىرامىز. بۇل مەسەلە قازٸر تالقىلانىپ جاتىر. قالا كٶشەلەرٸنەن باسقا, 400-گە جۋىق تروتۋار, 420 ايالداما, گٷلزارلار زارارسىزداندىرىلادى. قالاٸشٸلٸك باعىتتاردا جٷرگەن اۆتوبۋستاردىڭ سانىن دا ازايتتىق. بٸراق سٸزدەر ٷيدە وتىرۋعا تىرىسپاساڭىزدار, مامانداردىڭ ۇسىنىسىن ورىنداماساڭىزدار – بۇل اتقارىلىپ جاتقان جۇمىستاردىڭ بەرٸ بەكەر», - دەيدٸ پەتروپاۆل قالاسى ەكٸمٸنٸڭ ورىنباسارى ۆلاديسلاۆ لۋكين.
بٷگٸندە ارنايى شتاب پەتروپاۆل قالاسىن كارانتينگە جابۋ مەسەلەسٸن شەشٸپ جاتىر.
