جاقىن كٷندەرٸ ەسٸل ٶزەنٸنٸڭ دەڭگەيٸ ارناسىنان اسۋى ىقتيمال. پەتروپاۆل قالاسى مەن سولتٷستٸك قازاقستان وبلىسىنا قاراستى ەسٸل, قىزىلجار جەنە شال اقىن اۋداندارىن سۋ باسۋ قاۋپٸ تٶنٸپ تۇر, دەپ حابارلايدى Baq.kz تٸلشٸسٸ.
قاۋٸپتٸ ايماقتاردىڭ تۇرعىندارى باسقا ەلدٸ مەكەندەرگە كٶشٸرٸلٸپ جاتىر. ەسٸل اۋدانىنىڭ نيكولاەۆكا اۋىلىنان 114, جارعايىڭنان 90 ادام ەۆاكۋاتسييالاندى. قازٸر ولار جاقىن ماڭداعى اۋىلداردىڭ مەكتەپتەرٸ مەن تۋىستارىنىڭ ٷيلەرٸن پانالاپ جاتىر.
«بٷكٸل وتباسىمىزبەن ٶرنەك اۋىلىنداعى ٸنٸمنٸڭ ٷيٸندەمٸز. مالداردى اۋىل جانىنداعى دٶڭگە شىعارىپ جٸگٸتتەر كەزەكتەسٸپ باعىپ وتىر. ەسٸل ٶزەنٸنٸڭ دەڭگەيٸ بٸرتٸندەپ كٶتەرٸلٸپ كەلە جاتقانى بايقالادى. قولىمىزعا تەك قۇجاتتارىمىزدا عانا الىپ شىقتىق. ٷيلەردٸ قۇلىپتاپ كەتتٸك. جانىمىزدى شٷبەرەككە تٷيٸپ وتىرمىز», – دەيدٸ جارعايىڭ اۋىلىنىڭ تۇرعىنى, زەينەتكەر بارقىت جولدىباەۆا.
«تٶتەنشە جاعدايلار جٶنٸندەگٸ دەپارتامەنت قاۋٸپسٸزدٸك شارالارىن قاتاڭ ساقتاۋ قاجەتتٸگٸن ەسكەرتەدٸ. سۋ كەز كەلگەن ۋاقىتتا جولدى شايىپ كەتۋٸ مٷمكٸن. تۇرعىندارعا قاۋٸپتٸ ايماقتارعا بارماۋعا كەڭەس بەرەمٸن. بۇنداي جاعدايدا ەسٸرەسە بالالاردى قاداعالاۋ كەرەك», – دەيدٸ سولتٷستٸك قازاقستان وبلىسى تٶتەنشە جاعدايلار جٶنٸندەگٸ دەپارتامەنتتٸڭ باسپاسٶز حاتشىسى ەۆگەنيي جۋراۆلەۆ.
ەسٸل اۋدانىنا قاراستى نيكولاەۆكا جەنە جارعايىڭ اۋىلدارىنان 130 جىلقى, 250 باس ٸرٸ قارا, 56 شوشقا مەن 288 قوي-ەشكٸ قاۋٸپسٸز جەرگە كٶشٸرٸلدٸ.
