فوتو: twitter/Flightradar24
اقش ٶكٸلدەر پالاتاسىنىڭ سپيكەرٸ نەنسي پەلوسيدٸڭ تايۆانعا ۇشقان ۇشاعىن ەلەمنٸڭ تٷكپٸر-تٷكپٸرٸنەن شامامەن 2,92 ميلليون ادام تاماشالادى. بۇل تۋرالى Flightradar24 - ەۋەكەمەلەرٸنٸڭ جاعدايىن ناقتى ۋاقىت رەجيمٸندە باقىلاۋعا مٷمكٸندٸك بەرەتٸن سەرۆيس حابارلادى, - دەپ حابارلايدى Tengrinews.kz اگەنتتٸگٸ.
اقش ٶكٸلدەر پالاتاسىنىڭ سپيكەرٸ نەنسي پەلوسي مٸنگەن SPAR19 رەيسٸ كۋالا-لۋمپۋردان ۇشىپ شىققاننان باستاپ Flightradar24-تە بەلسەندٸ رەيستەر ٸشٸندە ەڭ كٶپ قاداعالانعان رەيس بولدى.
تايبەيگە قونعان كەزدە SPAR19-دى بٷكٸل ەلەم بويىنشا 708 000-نان اسا ادام باقىلاپ وتىرعان, بۇل Flightradar24 تاريحىنداعى ەڭ كٶپ باقىلانعان تٸكەلەي رەيس بولدى. كۋالا-لۋمپۋردان تايبەيگە دەيٸنگٸ جەتٸ ساعات ٸشٸندە رەيستٸ 2,92 ميلليون ادام باقىلاعان.
ەسكە سالايىق, 2 تامىزدا پەلوسي ۇشاعى تايۆان ەۋەجايىنا قونعان بولاتىن. سونداي-اق, اقش ٶكٸلدەر پالاتاسىنىڭ سپيكەرٸ نەنسي پەلوسي تايۆانعا كەلگەننەن كەيٸن جازباشا مەلٸمدەمە جاسادى. وندا ارالعا ساپارى "تايۆان دەموكراتيياسىن" قولداۋداعى "امەريكانىڭ ادالدىعى" ەكەنٸن ايتتى.
