الماتى قالالىق پوليتسييا دەپارتامەنتٸنٸڭ تٷركسٸب اۋداندىق پوليتسييا باسقارماسىنىڭ كريمينالدىق بٶلٸم باسشىسىنىڭ ورىنباسارى باقىتجان بەكٸروۆ رەسپۋبليكالىق بايقاۋدا «جىل پوليتسەيٸ» نوميناتسيياسىندا جەڭٸمپاز اتاندى. پەدوفيلدٸ ۇستاۋ ٷشٸن 13-قاباتتان سەكٸرٸپ كەتكەن تەرتٸپ ساقشىسى بۇل كٷندە «قازاقستاندىق بەتمەن» اتانىپ كەتكەن. باقىتجان بەكٸروۆتٸڭ ەرلٸگٸنە كٶپشٸلٸك تەنتٸ بولدى. قازاقپارات تٸلشٸسٸ ونىڭ ٶزٸنەن وقيعا قالاي بولعانى تۋرالى ەڭگٸمەلەپ بەرۋٸن سۇرادى.
– باقىتجان, ماراپاتىڭىز قۇتتى بولسىن!
– راحمەت. ويلاماعان جەردەن تاعى دا ماراپاتتالدىم. «جىل پوليتسەيٸ» اتاعى ماعان ٷلكەن جاۋاپكەرشٸلٸك جٷكتەدٸ. سوڭعى ەكٸ جىلدا كٶپشٸلٸكتٸڭ قۇرمەتٸنە, العىسىنا بٶلەنٸپ جاتىرمىن. ٷلكەن راحمەت! تۋعان ەلٸمە, جەرٸمە, قازاقستان پوليتسيياسىنا ەرٸ قاراي دا ادال قىزمەت ەتۋگە ۋەدە بەرەمٸن. حالقىمىنىڭ ىقىلاسىنان ارتىق العىس جوق ەكەن, سونى تٷسٸندٸم.
– قاي ٶڭٸردە دٷنيەگە كەلدٸڭٸز?
– مەن 1983 جىلى 17 شٸلدە كٷنٸ وڭتٷستٸك قازاقستان وبلىسىنىڭ جەتٸساي قالاسىندا دٷنيەگە كەلدٸم. وتباسىنداعى ٷش بالانىڭ ٷلكەنٸمٸن. ٶزٸمنەن كەيٸن قارىنداسىم جەنە ٸنٸم بار. ەكەم انۋاربەك بەكٸروۆ ماقتا زاۋىتىندا ينجەنەر بولىپ جۇمىس ٸستەيدٸ. انام ٷي شارۋاسىنداعى كٸسٸ.
– بۇل ماماندىقتى تاڭداۋعا نە تٷرتكٸ بولدى?
– كٸشكەنتاي كەزٸمنەن قىلمىسكەرلەرمەن كٷرەسۋدٸ ارماندايتىنمىن. وعان بٸردەن-بٸر سەبەپ - فيلمدەر. سول كەزدە پوليتسەيلەردٸڭ, تەرگەۋشٸلەردٸڭ جۇمىسى تۋرالى كينولاردى جيٸ كٶرسەتەتٸن. سونى تاپجىلماي وتىرىپ كٶرەتٸن ەدٸم. بەلكٸم سول تٷرتكٸ بولعان شىعار. ٶسە كەلە پوليتسييا ماماندىعىنا دەگەن قىزىعۋشىلىعىم ارتا تٷستٸ. سٶيتٸپ ارمان قۋىپ الماتىعا كەلدٸم.
– ٶزٸڭٸز ارمانداعان وقۋ ورنىنا تٷسە الدىڭىز با?
– يە. الماتىداعى اباي اتىنداعى مەملەكەتتٸك ۋنيۆەرسيتەتٸنٸڭ زاڭ فاكۋلتەتٸنە وقۋعا تٷستٸم. گرانتقا ٸلٸگە المادىم. اقىلى بٶلٸمٸندە بٸلٸم الدىم. 2000 جىلى تٷسٸپ, 2005 جىلى تەمامدادىم. وقۋىمدى بٸتٸرگەن سوڭ بٸر جىلداي ٶز ماماندىعىم بويىنشا جۇمىس تابا المادىم. قۇرىلىستا ٸستەدٸم.
2006 جىلى ەلوردادا پوليتسييا قىزمەتكەرلەرٸنە بايقاۋ جارييالانعانىن ەستٸپ, باعىمدى سىناپ كٶرگٸم كەلدٸ.
نۇر-سۇلتانعا كەلٸپ سول بايقاۋعا قۇجات تاپسىرىپ, باعىما قاراي ٸٸم اكادەميياسىنىڭ العاشقى دايارلىق وقۋىن 3 اي وقىدىم. وسى ۋاقىت ارالىعىندا بٸراز تەجٸريبە جيناقتادىم.
– ەڭبەك جولىڭىزدى قاي مەكەمەدە باستادىڭىز?
– 2006 جىلى الماتى قالاسى پوليتسييا دەپارتامەنتٸ كريمينالدىق پوليتسييا باسقارماسىنىڭ جەدەل ۋەكٸلٸ قىزمەتٸنە ورنالاستىم. ەڭبەك جولىم وسى جەردە باستالدى. 15 جىل بولدى وسىندامىن. بىلتىردان بەرٸ تٷركسٸب اۋداندىق پوليتسييا باسقارماسىنىڭ كريمينالدىق بٶلٸم باسشىسىنىڭ ورىنباسارى قىزمەتٸنە تاعايىندالدىم.
– ٶمٸرٸڭٸزدٸ قاتەرگە تٸگٸپ, اسا قاۋٸپتٸ قىلمىسكەردٸ ۇستاۋ ٷشٸن 13-شٸ قاباتتان سەكٸرگەندە بويىڭىزدى ەشقانداي قورقىنىش بيلەمەدٸ مە?
– ول كەزدە مەن ٶز ٶمٸرٸمدٸ ويلامادىم. ماقساتىم– قىلمىسكەردەن ايىرىلىپ قالماۋ, بۇيرىقتى بۇلجىتپاي ورىنداۋ بولدى. بٸزگە 11 شٸلدەدە كٷنٸ بەلگٸسٸز ادامنىڭ الماتىنىڭ تٷركسٸب اۋدانىنا قاراستى اۋماقتا ٷي توناپ, 15 جاسار قىزدى زورلاپ كەتكەنٸ تۋرالى حابار كەلٸپ تٷستٸ. جەدەل ۋەكٸلدەردەن ەكٸ توپ قۇرىلدى. سونىڭ ٸشٸندە مەن دە بارمىن.
– كٷدٸكتٸنٸ نەشە كٷندە قولعا تٷسٸردٸڭٸزدەر?
– كٷدٸكتٸنٸ تٶرت كٷن ٸزدەستٸردٸك. كەيٸن ونىڭ پەتەر جالداپ, تىعىلىپ جاتقانىن انىقتادىق. بٸردەن ونى ۇستاۋ جوسپارىنا كٸرٸستٸك. مەن جەنە ەرٸپتەسٸم جالدانعان پەتەر يەسٸمەن بٸرگە 13-شٸ قاباتقا كٶتەرٸلدٸك. قىلمىسكەردٸ ۇستاۋ ٷشٸن سانتەحنيكتٸڭ كيٸمٸن كيٸپ الدىق. ونىڭ قوسالقى كٸلتٸ بولدى.
ەيەل ونى شاقىرىپ, قۇبىردان سۋ اعىپ جاتقانىن ايتتى. «ونى جٶندەۋگە سانتەحنيكتەر كەلدٸ» دەدٸ. ول دەلٸزگە شىقتى, مەن وعان قاراي ۇمتىلدىم. ول بٶلمەنٸڭ بٸرٸنە قاشىپ كٸرٸپ, اشىق تۇرعان تەرەزەدەن سەكٸرٸپ كەتتٸ. بۇل سەكۋندتا ەدەتتە ەشتەڭە ويلامايسىڭ, ەڭ باستىسى - قۋىپ جەتۋ. سوندىقتان مەن ونىڭ ارتىنان سەكٸردٸم.
11-قاباتتا تەراسسا بار, سول جەرگە قۇلادىق. قۇلاعان كەزدە اياعىمنىڭ سىنعانىن بٸردەن سەزدٸم. سەبەبٸ «سىرت» ەتكەن دىبىس شىقتى. قىلمىسكەر قاشۋ ەرەكەتٸن جالعاستىرماق بولدى. بار كٷش-جٸگەرٸمدٸ سالىپ, ونى ۋىستان شىعارماۋعا تىرىستىم.
سەرٸكتەسٸم كەلگەنشە كٷتتٸم. ەكٸنشٸ توپ ٷيدٸ قورشاپ تۇرعان ەدٸ. ولار ٷستٸنە كٶتەرٸلٸپ كەلگەنشە پەدوفيلدٸ جٸبەرمەي وتىردىق.
– قازٸر دەنساۋلىعىڭىز قالاي?
– سول اياعىما ٷش رەت وپەراتسييا جاسالدى. قازٸر تولىق جازىلدىم. دەنساۋلىعىما شاعىمدانبايمىن. جۇمىسىما ورالدىم.
– ەرلٸگٸڭٸز ەلەنٸپ, قر پرەزيدەنتٸنٸڭ جارلىعىمەن ٸٸ دەرەجەلٸ «ايبىن» وردەنٸمەن ماراپاتتالدىڭىز. سول سەتتە قانداي سەزٸمدە بولدىڭىز?
– «ايبىن» وردەنٸن العان كەزدە كەرەمەت سەزٸمدە بولدىم. كەز كەلگەن ادام ماداق-ماراپاتقا ۇسىنىلسا قۋانىشقا كەنەلەدٸ عوي. مەن دە قاتتى قۋاندىم. سونداي-اق, بۇل ماراپات ماعان ٷلكەن جاۋاپكەرشٸلٸك جٷكتەدٸ.
– پوليتسەي اتانۋ ٷشٸن ادامنىڭ بويىندا قانداي قاسيەتتەر بولۋى كەرەك دەپ ويلايسىز?
– ەڭ الدىمەن, تٶزٸمدٸ جەنە انتقا ادال بولۋ كەرەك. قىزمەتكە ورنالاسقاندا بٸز انت قابىلدايمىز. وندا ازاماتتاردى قورعاۋ - بٸزدٸڭ جۇمىسىمىز ەكەنٸ كٶرسەتٸلگەن. ەر ەر ازاماتتىڭ بويىندا جٸگەر, نامىس بولادى. ەلٸمٸز بەن حالقىمىزدىڭ تىنىشتىعى ٷشٸن ەڭبەك ەتۋٸمٸز كەرەك. ەڭ ٷلكەن ٷلكەن مەرتەبە وسى دەپ ويلايمىن.
– ٶزٸڭٸزدٸڭ وتباسىڭىز جايىندا ايتىپ ٶتسەڭٸز?
– كٶپبالالى ەكەمٸن. جارىم ماقپال ەكەۋمٸز 6 بالا تەربيلەپ وتىرمىز. 4 ۇل, ەكٸ قىزىم بار. ٷلكەنٸ - 11 جاستا, كٸشكەنتايىمىز - بٸردە.
– سۇحباتىڭىزعا راحمەت!
