بٸلٸم جەنە عىلىم مينيسترٸ اسحات ايماعامبەتوۆ وقۋ بٸتٸرٸپ, مەكتەپكە جۇمىسقا كەلگەن پەداگوگيكالىق جوو-لاردىڭ تٷلەكتەرٸ پيلوتتىق رەجيمدە تەستٸلەۋدەن ٶتٸپ جاتقانىن مەلٸم ەتتٸ, دەپ حابارلايدى "ۇلت اقپارات".
«مۇعالٸمدەردٸ دايارلاۋدا جاڭا امالدار قولدانىسقا ەنگٸزٸلۋدە. ەندٸ, جوعارى, بٸراق پەداگوگيكالىق بٸلٸمٸ جوق ادامدار قايتا دايارلاۋدان ٶتكەننەن كەيٸن پەداگوگيكالىق قىزمەتتٸ اتقارا الادى», - دەدٸ اسحات ايماعامبەتوۆ ۇلتتىق قوعامدىق سەنٸم كەڭەسٸنٸڭ 3-وتىرىسىندا.
مينيستردٸڭ ايتۋىنا قاراعاندا, پەداگوگيكالىق بٸلٸمنٸڭ ٶزٸ تولىعىمەن جاڭعىرتىلۋدا.
«بٸز وقۋلىق باعدارلامالارىن 100 پايىز ٶزگەرتٸپ جاتىرمىز. اشىعىن ايتۋ كەرەك: پەداگوگيكالىق جوو-لار مازمۇنى جاعىنان مەكتەپتەردە وقىتىلىپ جاتقان باعدارلامالاردان ايتارلىقتاي قالىپ قويدى. سول سەبەپتٸ وسى وقۋ جىلىنىڭ سوڭىنا دەيٸن بٸلٸم باعدارلامالارىن 100 پايىزعا جاڭارتىپ, پراكتيكانىڭ جاڭا فورماتىن ەنگٸزۋدەمٸز. پيلوتتىق رەجيمدە پەداگوگيكالىق جوو تٷلەكتەرٸنٸڭ بەرٸن تەستٸلەۋدەن ٶتكٸزٸپ جاتىرمىز», - دەدٸ ول.
