Bilim jáne ǵylym ministri Ashat Aimaǵambetov oqý bitirip, mektepke jumysqa kelgen pedagogikalyq JOO-lardyń túlekteri pilottyq rejimde testileýden ótip jatqanyn málim etti, dep habarlaidy "Ult aqparat".
«Muǵalimderdi daiarlaýda jańa amaldar qoldanysqa engizilýde. Endi, joǵary, biraq pedagogikalyq bilimi joq adamdar qaita daiarlaýdan ótkennen keiin pedagogikalyq qyzmetti atqara alady», - dedi Ashat Aimaǵambetov Ulttyq qoǵamdyq senim keńesiniń 3-otyrysynda.
Ministrdiń aitýyna qaraǵanda, pedagogikalyq bilimniń ózi tolyǵymen jańǵyrtylýda.
«Biz oqýlyq baǵdarlamalaryn 100 paiyz ózgertip jatyrmyz. Ashyǵyn aitý kerek: pedagogikalyq JOO-lar mazmuny jaǵynan mektepterde oqytylyp jatqan baǵdarlamalardan aitarlyqtai qalyp qoidy. Sol sebepti osy oqý jylynyń sońyna deiin bilim baǵdarlamalaryn 100 paiyzǵa jańartyp, praktikanyń jańa formatyn engizýdemiz. Pilottyq rejimde pedagogikalyq JOO túlekteriniń bárin testileýden ótkizip jatyrmyz», - dedi ol.
