فوتو: polisia.kz
پاۆلوداردا كيبەرپوليتسەيلەر زەينەتكەردٸڭ 5 ملن تەڭگەسٸن الاياقتاردان ساقتاپ قالدى, – دەپ حابارلايدى Ult.kz Polisia.kz-كە سٸلتەمە جاساپ.
پاۆلودار قالاسىندا ەيەلگە تەلەفون ارقىلى الاياقتىق ەرەكەت جاسالدى. بەلگٸسٸز تۇلعالار ٶزٸن دوموفون قىزمەتٸنٸڭ قىزمەتكەرٸ دەپ تانىستىرىپ, قۇرىلعىنى اۋىستىرۋ ٷشٸن سمس-كودتى ايتۋىن سۇرادى. ەيەل كودتى بەرگەن سوڭ, الاياقتار ونىڭ دەرەكتەرٸنە رۇقساتسىز كٸرگەنٸن ايتىپ, ٶزدەرٸن قۇقىق قورعاۋ ورگاندارىنىڭ قىزمەتكەرلەرٸ رەتٸندە تانىستىردى. ولار ەيەلدەن اقشانى شۇعىل تٷردە شەشٸپ الۋىن تالاپ ەتتٸ.
ەيەل قالانىڭ ەكٸ بانك بٶلٸمشەسٸنە بارىپ, اقشانى شەشۋگە ەرەكەت جاساعان كەزدە ەكٸنشٸ بانك قىزمەتكەرلەرٸ الاياقتىق بەلگٸلەرٸن بايقاپ, دەرەۋ پوليتسيياعا حابارلادى. كيبەرپوليتسەيلەردٸڭ جەنە بانك قىزمەتكەرلەرٸنٸڭ قىراعىلىعىنىڭ ارقاسىندا ەيەل 5 ملن تەڭگەدەن ايىرىلماي, قاراجاتى ساقتالدى.
پاۆلودار وبلىسى پد كيبەرقىلمىسقا قارسى باسقارماسىنىڭ باستىعى اسحات ەبەتجانوۆ ازاماتتاردى ساق بولۋعا شاقىردى: مەملەكەتتٸك ورگاندار مەن بانكتەر ەشقاشان سمس-كودتى نەمەسە قاراجاتتى ٷشٸنشٸ تۇلعاعا بەرۋدٸ سۇرامايدى. كٷدٸكتٸ قوڭىراۋلار تٷسكەن جاعدايدا ەڭگٸمەنٸ دەرەۋ توقتاتىپ, پوليتسيياعا حابارلاۋ قاجەت.
