Foto: polisia.kz
Pavlodarda kiberpolitseiler zeinetkerdiń 5 mln teńgesin alaiaqtardan saqtap qaldy, – dep habarlaidy Ult.kz Polisia.kz-ke silteme jasap.
Pavlodar qalasynda áielge telefon arqyly alaiaqtyq áreket jasaldy. Belgisiz tulǵalar ózin domofon qyzmetiniń qyzmetkeri dep tanystyryp, qurylǵyny aýystyrý úshin SMS-kodty aitýyn surady. Áiel kodty bergen soń, alaiaqtar onyń derekterine ruqsatsyz kirgenin aityp, ózderin quqyq qorǵaý organdarynyń qyzmetkerleri retinde tanystyrdy. Olar áielden aqshany shuǵyl túrde sheship alýyn talap etti.
Áiel qalanyń eki bank bólimshesine baryp, aqshany sheshýge áreket jasaǵan kezde ekinshi bank qyzmetkerleri alaiaqtyq belgilerin baiqap, dereý politsiiaǵa habarlady. Kiberpolitseilerdiń jáne bank qyzmetkerleriniń qyraǵylyǵynyń arqasynda áiel 5 mln teńgeden aiyrylmai, qarajaty saqtaldy.
Pavlodar oblysy PD kiberqylmysqa qarsy basqarmasynyń bastyǵy Ashat Ábetjanov azamattardy saq bolýǵa shaqyrdy: memlekettik organdar men bankter eshqashan SMS-kodty nemese qarajatty úshinshi tulǵaǵa berýdi suramaidy. Kúdikti qońyraýlar túsken jaǵdaida áńgimeni dereý toqtatyp, politsiiaǵa habarlaý qajet.
