كەرەكۋلٸك جاس ٶنەرتاپقىش ەلدوس سەبيت مٷمكٸندٸگٸ شەكتەۋلٸ جاندارعا ارنالعان بيونيكالىق پروتەز ويلاپ تاپتى. اتالعان جوبانىڭ باعاسى نارىقتاعى ٷلگٸلەرگە قاراعاندا قولجەتٸمدٸ.
قازٸرگٸ تاڭدا ەلدوس پاۆلودار قالاسىنداعى يننوۆاتسييالىق ەۋرازييا ۋنيۆەرسيتەتٸنٸڭ ستۋدەنتٸ. ول بٸراز ۋاقىتتان بەرٸ قول پروتەزٸن جاساۋدىڭ قىر-سىرىن زەرتتەپ, زاماناۋي تەحنولوگييالاردىڭ كٶمەگٸمەن ىڭعايلى جەنە تيٸمدٸ باعاداعى پروتەز جاساپ شىققان.
«مەن جاساعان پروتەز كٶپ جاعىنان ىڭعايلى دەگەن ويدامىن. بيونيكالىق قولدىڭ بارلىق ساۋساعى قوزعالادى. قولداعى بۇلشىقەتتەر جيىرىلعاندا موتوردان باقىلاۋشىعا سيگنال كەلەدٸ. سونىڭ نەتيجەسٸندە ساۋساقتار جۇمىلىپ, اشىلا الادى. بۇل مەن جاساپ شىققان پروتەزدٸڭ قازٸرگٸ مٷمكٸندٸگٸ. الداعى ۋاقىتتا قول پروتەزٸنٸڭ قىزمەتٸن تولىقتىرىپ, تابيعي ساۋساقتار سەكٸلدٸ بٸرنەشە فۋنكتسييالاردى قوساتىن بولامىن. ەلٸ دە بۇل جاعىنان جۇمىستاردى جالعاسىرامىن. بۇل جوبا شەتەلدٸك قىمبات پروتەزدەر سيياقتى ەلەكتروميوگرافييانىڭ كٶمەگٸمەن جۇمىس ٸستەيدٸ. پروتەز پلاستيكتەن جاسالىپ, 3D-پرينتەردەن باسىپ شىعارىلادى. قۇرىلعىعا سەرۆوپريۆود, پلاتا, ەلەكتروميوگرافييالىق تەتٸك پەن اككۋمۋلياتور قولدانىلادى», - دەيدٸ ەلدوس سەبيت.
ەلدوس جاڭا تۋىندىسىن ايماقتىق ٶندٸرٸستە ٸسكە قوسپاق نيەتتە. قازٸرگٸ ۋاقىتتا جوباعا شەتەلدٸك ينۆەستورلار قىزىعۋشىلىق تانىتىپ ٷلگەرگەن. الايدا ٶنەرتاپقىش بۇل ۇسىنىستى قابىلداۋعا اسىقپاي وتىر. سەبەبٸ, ول مەملەكەتتەن گرانت الىپ, جوبانى ٸسكە اسىرۋدى جوسپارلاۋدا.
«ەزٸرگە جوباعا دەنساۋلىق ساقتاۋ مينيسترلٸگٸ قىزىعۋشىلىق تانىتىپ, بالالار ٷشٸن پروتەز جاساۋىمىزدى سۇرادى. بٸز جاساۋعا بولادى دەپ جاۋاپ بەردٸك. بالالارعا بيونيكالىق پروتەزبەن سالىستىرعاندا ەلەكتروندى پروتەز ىڭعايلى», - دەيدٸ ول.
قازٸرگٸ ۋاقىتتا ەلدوس ٶز تۋىندىسىن تٷرلٸ كٶرمەلەردە تانىستىرىپ جٷر. جۋىردا پاۆلوداردا ٶتكەن IT-فورۋمدا اتالعان جوبانى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ قاجەتتٸ ەرٸ زاماناۋي جوبا دەپ باعالادى.
ايتا كەتۋ كەرەك, مۇنداي پروتەز بۇعان دەيٸن دە جاسالعان بولاتىن. «جٷز جاڭا ەسٸم» جەڭٸمپازى اتانعان مەۋلەن بەكتۇرعانوۆ ەلٸمٸزدە العاش رەت بيونيكالىق پروتەز ويلاپ تاپتى.
