9-13 قاڭتار كٷندەرٸ الماتىدا ماتەماتيكا, فيزيكا جەنە ينفورماتيكا پەندەرٸ بويىنشا حVٸ حالىقارالىق جەۋتٸكوۆ وليمپياداسى ٶتتٸ, دەپ حابارلايدى pavlodarnews.kz.
بارلىعى 21 ەلدەن 84 كوماندا جالپى سانى 599 وقۋشى بەيگەگە تٷسكەن بٸلٸم دوداسىندا پاۆلودار قالاسى حيمييا-بيولوگييا باعىتىنداعى نازارباەۆ زيياتكەرلٸك مەكتەبٸنٸڭ 12 سىنىپ وقۋشىسى دييار تۋلەنوۆ التىن مەدالعا يە بولدى. وليمپيادادا قازاقستان, ەزەربايجان, ارمەنييا, بەلارۋس, بولگارييا, گرۋزييا, دانييا, قىرعىزستان, موڭعولييا, نەپال, نورۆەگييا, بٸرٸككەن اراب ەمٸرلٸكتەرٸ, رەسەي, رۋمىنييا, سەربييا, تەجٸكستان, تٷرٸكمەنستان, تٷركييا, ٶزبەكستان, ۋكراينا جەنە شۆەتسييا ەلدەرٸنٸڭ ەڭ ٷزدٸك وقۋشىلارى قاتىسقان بولاتىن.
«دييار شوقتىعى بيٸك حالىقارالىق بٸلٸم دودالارىنىڭ ەڭ اۋقىمدىسى سانالاتىن جەۋتٸكوۆ وليمپياداسىندا قاتارىنان ٷشٸنشٸ جىل التىن مەدالعا يە بولىپ وتىر. وقۋشىمنىڭ جەتٸستٸگٸن ٶتە جوعارى باعالايمىن. قۋانىشىمدا شەك جوق», - دەيدٸ 7-سىنىپتان باستاپ وليمپياداعا دايىنداپ كەلە جاتقان فيزيكا پەنٸنٸڭ ۇستازى نازىمگٷل كاريموۆا.
اتاپ ٶتۋ كەرەك, دييار وسىعان دەيٸن جەۋتٸكوۆ وليمپياداسىندا 2017 جىلى قولا مەدال, 2018, 2019 جىلدارى التىن مەدال يەگەرٸ اتانعان بولاتىن. ول تەك مەكتەپ نامىسىن عانا ەمەس, رەسپۋبليكا اتىنان حالىقارالىق فيزيكا وليمپياداسىندا, «تۋيماادا» حالىقارالىق وليمپياداسىندا جەنە باسقا دا حالىقارالىق دەڭگەيدەگٸ بٸلٸم دودالارىندا توپ جارىپ, جٷلدەلٸ ورىنداردى يەلەندٸ.
«وليمپيادا جىلداعىداي ٶتە جوعارى دەڭگەيدە ٶتتٸ. مەنٸڭ بٶلٸمٸمدە وسى جولى 170 وقۋشى باق سىناسقان بولاتىن. وسى ورايدا جىلدار بويى بٸلٸمٸمدٸ ۇشتاپ, دۇرىس باعىت-باعدار بەرگەن ۇستازىم نازىمگٷل باريتقىزىنا, ٷنەمٸ قولداۋ كٶرسەتەتٸن اتا-اناما, سونداي-اق التىن ۇيا – مەكتەبٸمە العىسىمدى بٸلدٸرەمٸن», - دەيدٸ جەڭٸمپاز.
وسى جەتٸستٸكتەرٸنٸڭ نەتيجەسٸندە بٷگٸنگٸ تاڭنىڭ ٶزٸندە دييار 3 ۋنيۆەرسيتەت - رەسەيدٸڭ جوعارى ەكونوميكا مەكتەبٸ, نازارباەۆ ۋنيۆەرسيتەتٸ جەنە قازاق-بريتان ۋنيۆەرسيتەتٸنٸڭ گرانتىنا يە بولعان. IELTS حالىقارالىق ەمتيحانىنىڭ نەتيجەسٸ بويىنشا دا جوعارعى كٶرسەتكٸشكە قول جەتكٸزٸپ, 8,0 ۇپاي جينادى. دييار ەلٸمٸزدەگٸ ەڭ مىقتى 8 فيزيكتٸڭ قاتارىنا ەنگەن وقۋشى.
