پاۆلودارلىق دەرٸگەرلەر ەكٸ رەت جٷرەگٸ توقتاپ قالعان كٶپ بالالى انانى امان الىپ قالدى, دەپ حابارلايدى "ۇلت اقپارات" Pavlodarnews.kz-كە سٸلتەمە جاساپ.
37 جاستاعى جٷكتٸ ەيەل اقسۋ قالاسىنىڭ اۋىلدىق ايماعى ەڭبەك اۋىلىندا تۇرادى. بٸرنەشە كٷن بويى جٶتەل, قاقىرىق, ەلسٸزدٸك, كەۋدە قۋىسىنىڭ اۋىرۋى, مەرزٸمدٸ تاحيكاردييا مازالاعان سوڭ اۋىل تۇرعىنى حالىقتىق ەمدەۋ ەدٸستەرٸمەن ەمدەلگەن.
تەك دەمٸكپە پايدا بولعان كەزدە عانا اۋرۋحاناعا جٷگٸنگەن. سول جەردە قان قىسىمىنىڭ تٶمەندەگەنٸ جەنە ساتۋراتسييا كٶرسەتكٸشٸندە قاۋٸپ بار ەكەنٸ انىقتالعان.
بۇل تۋرالى وبلىستىق كارديولوگييالىق ورتالىقتىڭ كارديوحيرۋرگييا بٶلٸمٸنٸڭ مەڭگەرۋشٸسٸ مۇرات رايحانوۆ ايتتى.
– ونى شۇعىل تٷردە پاۆلودار قالاسىنىڭ №1 اۋرۋحاناسىنىڭ ينفەكتسييالىق ستاتسيونارىنا جەتكٸزدٸ, - دەپ حابارلادى دوكتور. – قابىلداۋ سەتٸنەن باستاپ جەتٸ مينۋتتان كەيٸن جٷرەك قىزمەتٸ توقتاپ قالدى, بٸراق دەرٸگەرلەر بەس مينۋتتان كەيٸن جٷرەك ىرعاعىن قالپىنا كەلتٸرە الدى.
كومپيۋتەرلٸك توموگرافييا پنەۆمونييا دياگنوزىن راستامادى. دەگەنمەن جٷرەكتٸڭ ۋلترادىبىستىق زەرتتەۋٸ ميترالدى قاقپاقشانىڭ پاتولوگيياسىن, ميترالدى قاقپاقشانىڭ الدىڭعى قاقپاعىنىڭ ٷزٸلگەنٸن, 3-4 دەرەجەلٸ ميترالدى قاقپاقشانىڭ جەتكٸلٸكسٸزدٸگٸن كٶرسەتتٸ, بۇل جەدەل تىنىس الۋ جەنە جٷرەك جەتكٸلٸكسٸزدٸگٸنە ەكەلدٸ.
دەرٸگەرلەر ەيەلدٸ شۇعىل تٷردە كارديولوگييالىق ورتالىققا اپارۋدى شەشكەن.
- قىسىم 50-60, تٶمەن ساتۋراتسييا, ٶكپەنٸ جاساندى جەلدەتۋ اپپاراتىنا قوسىلعان, كوماعا تٷسكەن جەنە ٶكپە ٸسٸنۋٸ. ناۋقاس سونداي جاعدايدا بولدى, – دەدٸ كارديوورتالىقتىڭ انەستەزيولوگييا بٶلٸمٸنٸڭ مەڭگەرۋشٸسٸ, وبلىستىڭ شتاتتان تىس باس انەستەزيولوگى يننا گلوۆاتسكايا. – ول ٶلٸم اۋزىندا جاتتى, ناۋقاستى وسىنداي اۋىر جاعدايدا تاسىمالداۋ قاۋٸپتٸ بولدى. تاسىمالداۋ الدىندا اۋىستىرا باستاعان كەزدە جٷرەگٸ توقتاپ قالدى. رەانيماتسييالىق شارالاردىڭ 20-مينۋتىندا جٷرەگٸ سوعا باستادى, قىسىم مەن ساتۋراتسييا بٸرتٸندەپ جوعارىلادى. بٸز سيرەنامەن كارديولوگييا ورتالىعىنا بەت الدىق. جولدا حيرۋرگتەرر ەسكەرتٸلدٸ. جٷكتٸ ەيەل جولدا ٶلٸپ كەتۋٸ مٷمكٸن دەپ ويلاۋعا ۋاقىت بولمادى. بار ويىم - ونى امان الىپ قالۋ ەدٸ.
مۇرات رايحانوۆتىڭ ايتۋىنشا, تەحنيكالىق تۇرعىدان وپەراتسييا اۋىر بولماعان, بۇل اۋرۋحانادا مۇنداي وپەراتسييا كٶپتەن بەرٸ جاسالادى. پاتسيەنتتٸڭ كلينيكالىق ٶلٸم جاعدايىندا جاتقانى جەنە جٷكتٸ بولۋى جاعدايدى قيىنداتتى.
– بٸز ەيەلدٸڭ قانداي جاعدايدا ەكەلٸنەتٸنٸن بٸلدٸك, وپەراتسييالىق بٶلمەنٸ تەز ارادا دايىنداپ, كەلٸپ تٷسكەننەن كەيٸن بٸردەن جاساندى قان اينالىمدى قوسۋ ارقىلى وپەراتسييانى باستادىق. بۇل ونىڭ ٶمٸرٸن ساقتاۋعا كٶمەكتەستٸ, - دەپ كارديوحيرۋرگييا بٶلٸمٸنٸڭ مەڭگەرۋشٸسٸ ەسكە الدى. - بٸراق حيرۋرگييالىق ارالاسۋدان كەيٸن دە جاساندى قان اينالىمىنان شىققان كەزدە جٷرەك قىزمەتٸ قالپىنا كەلمەدٸ, رەانيماتسييالىق شارالاردىڭ ۇزاققا سوزىلۋىنا بايلانىستى جٷرەك ەلسٸرەپ قالدى.
ناۋقاس ەكستراكورپورالدى مەمبرانالىق وكسيگەناتسييا اپپاراتىنا قوسىلدى. مۇنداي جابدىق تەك كارديو ورتالىقتا عانا بار, ول جٷرەك پەن ٶكپەنٸ قالپىنا كەلتٸۋرگە كٶمەكتەسەدٸ.
پاۆلودارلىق دەرٸگەرلەر ەكٸ رەت جٷرەك ۇستاماسىنان كەيٸن ەيەل ادامنىڭ ميى تٸرشٸلٸكتٸ توقتاتۋى مٷمكٸن دەگەن قاۋٸپپەن ەلوردالىق نەۆرولوگتارمەن بٸرنەشە كونسيليۋم ٶتكٸزدٸ.
وپەراتسييادان كەيٸنگٸ سەگٸزٸنشٸ كٷنٸ عانا ناۋقاس ەسٸن جيناي باستادى. قازٸر ول ٶزٸنە كەلدٸ, ٶزدٸگٸنەن دەم الادى, سٷيەمەلدەۋمەن تۇرىپ, پالاتادا جٷرە الادى.
- ول ەسٸن جيناپ, قالپىنا كەلە باستاعان كەزدە قانداي كٷيدە بولعانىمىزدى سٶزبەن ايتۋ مٷمكٸن ەمەس, – دەيدٸ وبلىستىڭ باس شتاتتان تىس انەستەزيولوگى.
دەرٸگەرلەر ناۋقاستى رەانيماتسييادان ورتالىق بٶلٸمٸنە اۋىستىرۋدى جوسپارلاپ وتىر.
– ٶكٸنٸشكە وراي, رەانيماتسييالىق شارالار شاراناعا ەسەر ەتپەي قويمادى, ٶزدٸگٸنەن تٷسٸك تاستاۋ بولدى, - دەپ تولىقتىردى مۇرات رايحانوۆ. - انانىڭ جاعدايى جاقسى. ەكٸ اۋرۋحانانىڭ دەرٸگەرلەرٸنٸڭ كوماندالىق جۇمىسى جاقسى نەتيجە بەردٸ, بارلىعى تەز, ساۋاتتى, كەسٸبي جۇمىس جاسادى.
و دٷنيەدەن ورالعان اۋىل تۇرعىنىنىڭ كٷيەۋٸ بەس ۇلىنىڭ فوتوسۋرەتتەرٸمەن شاعىن ۆيدەو تٷسٸرٸپ, «كٸمنٸڭ ٶمٸرٸن قۇتقارعاندارىڭىزدى قاراڭىز!» دەگەن ەسەرلٸ حابارلاما جٸبەرگەن.
