پاۆلودار وبلىسىنىڭ ەكٸمٸ ەبٸلقايىر سقاقوۆ ايماقتاعى ەكولوگييالىق احۋالدى جاقسارتۋ جوسپارىن بٶلٸستٸ, دەپ حابارلايدى "ۇلت اقپارات".
«شىنىندا دا, پاۆلودار وبلىسىندا ەكولوگييالىق باعىتتا ٶتكٸر مەسەلەلەر بار. بٸز بۇل پروبلەمالاردى شەشۋ ٷشٸن 4 باعىتتا جۇمىس جٷرگٸزەمٸز: بٸرٸنشٸسٸ – ٶنەركەسٸپ كەسٸپورىندارىنىڭ شىعارىندىلارىن شەكتەۋ. ەكٸنشٸ بلوك – قاتتى تۇرمىستىق قالدىقتارمەن جۇمىس جٷرگٸزۋ باعدارلاماسى. ٷشٸنشٸسٸ – كٶگالداندىرۋ جۇمىسى. تٶرتٸنشٸ بلوك – ەكولوگييالىق مەسەلەلەردٸ كٶتەرٸپ جٷرگەن ازاماتتارمەن ٶزارا جۇمىستى كٷشەيتۋ», - دەدٸ ەبٸلقايىر سقاقوۆ وكق-دا ٶتكەن باسپاسٶز مەسليحاتىندا.
ول سونىمەن قاتار ەكولوگييالىق كەڭەس پەن ايماقتاعى كەسٸپورىندارعا جاڭا سٷزگٸ ورناتۋ ٸسٸنە توقتالىپ ٶتتٸ.
«بٸزدٸڭ ٶڭٸردە ەكولوگييالىق كەڭەس جۇمىس ٸستەپ تۇر. تاياۋدا عانا بٸز وسى كەڭەستٸڭ وتىرىسىن ٶتكٸزٸپ, تٶرت بٸردەي جۇمىس توبىن قۇردىق. بۇل جۇمىس توپتارى جەرگٸلٸكتٸ اتقارۋشى ورگاندارمەن, اۋماقتىق ورگاندارمەن, ەكولوگييا, گەولوگييا جەنە تابيعي رەسۋرستار مينيسترلٸگٸمەن تىعىز جۇمىس جٷرگٸزەدٸ. ERG كومپانييالار توبىنىڭ ٸرٸ كەسٸپورىندارىندا شىعارىندىلاردى ازايتۋعا باعىتتالعان ون جىلدىق باعدارلاما جٷزەگە اسىرىلىپ جاتىر. ولار ٶزدەرٸنٸڭ ەسكٸرگەن سٷزگٸلەرٸن جاڭعىرتىپ, ولاردىڭ ورنىنا گيبريدتٸك جابدىقتاردى ورناتىپ جاتىر. بۇل باعىتتا قازٸردٸڭ ٶزٸندە نەتيجە بار – پاۆلودارداعى اليۋمينيي زاۋىتىندا ەكٸ بٸردەي سٷزگٸ ورناتىلدى. وسى گيبريدتٸ سٷزگٸلەر سىرتقا شىعارىلاتىن شىعارىندىلاردىڭ كٶلەمٸن جىلىنا 2,4 مىڭ تونناعا دەيٸن ازايتادى. بۇل باعدارلاما 10 جىلعا دەيٸن جالعاسادى», - دەدٸ ول.
ودان بٶلەك ٶڭٸردە كٶگالداندىرۋ جۇمىسىنا باسا نازار اۋدارىلىپ, كەلەسٸ جىلدان باستاپ وبلىس ورتالىعىندا بيٸكتٸكٸ 1,5-2 مەترلٸك 20 مىڭ تٷپ اعاشتى ەگۋ جۇمىستارى باستالادى.
بۇل باعدارلامانى ەكٸباستۇز بەن اقسۋ قالالارى دا قولعا العالى وتىر. وسىلايشا ٶڭٸر بيلٸگٸ قورشاعان ورتانىڭ لاستانۋ مەسەلەسٸن بٸرتٸندٸپ رەتتەۋدٸ كٶزدەپ وتىر.
