پاۆلوداردا زورلاۋ ٸسٸ بويىنشا قىز جالعان ايعاق بەردٸ دەپ سوتتالدى

فوتو: اشىق دەرەككٶز

پاۆلوداردا زورلاۋ ٸسٸ بويىنشا جاۋابىن ٶزگەرتكەن قىز جالعان ايعاق بەرگەنٸ ٷشٸن سوتتالدى, دەپ حابارلايدى Ult.kz.

2025 جىلدىڭ قازان ايىندا پاۆلودار قالاسىنىڭ قىلمىستىق ٸستەر جٶنٸندەگٸ اۋدانارالىق سوتى 35 جاستاعى ەر ادامعا قاتىستى ٸستٸ قارادى. تەرگەۋ مەلٸمەتٸنشە, 2025 جىلدىڭ مامىر ايىندا ول 22 جاستاعى قىزبەن بٸرگە پەتەردە بولعان. ەكەۋٸ الكوگول ٸشكەننەن كەيٸن ەر ادام قىزعا ينتيمدٸك قاتىناسقا تٷسۋدٸ ۇسىنعان. قىز باس تارتقانىمەن, ەر ادام ونى كٷش قولدانىپ جاقىندىققا مەجبٷرلەگەن.

سوتتا ٸس بويىنشا بارلىق دەلەلدەر مەن مەن-جايلار جان-جاقتى قارالدى. نەتيجەسٸندە سوتتالۋشىعا بٸرنەشە قىلمىس بويىنشا جازالاردى بٸرٸكتٸرۋ ارقىلى 5 جىل 2 ايعا باس بوستاندىعىنان ايىرۋ جازاسى تاعايىندالدى.

الايدا سوت پروتسەسٸ بارىسىندا جەبٸرلەنۋشٸ بۇرىنعى كٶرسەتٸلٸمٸن ٶزگەرتٸپ, ينتيمدٸ قاتىناس ٶزارا كەلٸسٸممەن بولعانىن مەلٸمدەدٸ. سوعان قاراماستان, ٸس ماتەريالدارىنداعى دەلەلدەر زورلاۋ فاكتٸسٸن راستادى.

سوت بارىسىندا جالعان ايعاق بەرۋ فاكتٸسٸ بويىنشا قىزدىڭ ٶزٸنە قاتىستى بٶلەك قىلمىستىق ٸس قوزعالدى. ول جاۋابىن سوتتالۋشىنىڭ دوستارى مەن تۋىستارىنىڭ قورقىتۋىنان كەيٸن ٶزگەرتكەنٸن ايتقان.

نەتيجەسٸندە سوت ونى كٸنەلٸ دەپ تانىپ, 5 جىلعا شارتتى تٷردە باس بوستاندىعىنان ايىرۋ جازاسىن تاعايىندادى.