Pavlodarda zorlaý isi boiynsha qyz jalǵan aiǵaq berdi dep sottaldy

Foto: ashyq derekkóz

Pavlodarda zorlaý isi boiynsha jaýabyn ózgertken qyz jalǵan aiǵaq bergeni úshin sottaldy, dep habarlaidy Ult.kz.

2025 jyldyń qazan aiynda Pavlodar qalasynyń qylmystyq ister jónindegi aýdanaralyq soty 35 jastaǵy er adamǵa qatysty isti qarady. Tergeý málimetinshe, 2025 jyldyń mamyr aiynda ol 22 jastaǵy qyzben birge páterde bolǵan. Ekeýi alkogol ishkennen keiin er adam qyzǵa intimdik qatynasqa túsýdi usynǵan. Qyz bas tartqanymen, er adam ony kúsh qoldanyp jaqyndyqqa májbúrlegen.

Sotta is boiynsha barlyq dálelder men mán-jailar jan-jaqty qaraldy. Nátijesinde sottalýshyǵa birneshe qylmys boiynsha jazalardy biriktirý arqyly 5 jyl 2 aiǵa bas bostandyǵynan aiyrý jazasy taǵaiyndaldy.

Alaida sot protsesi barysynda jábirlenýshi burynǵy kórsetilimin ózgertip, intimdi qatynas ózara kelisimmen bolǵanyn málimdedi. Soǵan qaramastan, is materialdaryndaǵy dálelder zorlaý faktisin rastady.

Sot barysynda jalǵan aiǵaq berý faktisi boiynsha qyzdyń ózine qatysty bólek qylmystyq is qozǵaldy. Ol jaýabyn sottalýshynyń dostary men týystarynyń qorqytýynan keiin ózgertkenin aitqan.

Nátijesinde sot ony kináli dep tanyp, 5 jylǵa shartty túrde bas bostandyǵynan aiyrý jazasyn taǵaiyndady.