فوتو: Polisia.kz
پاۆلوداردا زەينەتكەر ەيەل الاياقتاردىڭ قۇرىعىنا تٷسٸپ, 2 ميلليون تەڭگەدەن استام جيناعىنان ايىرىلا جازدادى, الايدا بانك قىزمەتكەرٸ مەن پوليتسييانىڭ قىراعىلىعىنىڭ ارقاسىندا قاراجاتىن امان الىپ قالدى, دەپ حابارلايدى Ult.kz.
Polisia.kz سايتىنىڭ مەلٸمەتٸنشە, بەلگٸسٸز ەر ادام زەينەتكەردٸڭ ٷي تەلەفونىنا حابارلاسىپ, ٶزٸن ۇلتتىق بانك قىزمەتكەرٸ رەتٸندە تانىستىرىپ, قۇجاتتاردى شۇعىل قايتا رەسٸمدەۋ قاجەتتٸگٸن ايتىپ سەندٸرگەن. سۇحبات بارىسىندا ول كەيۋانانىڭ ەسەپشوتىنداعى قاراجات كٶلەمٸن انىقتاپ, الداۋ جولىمەن الدىمەن 1 ميلليون 300 مىڭ تەڭگەنٸ اۋدارتقان. الاياقتار پسيحولوگييالىق قىسىم كٶرسەتۋ ماقساتىندا زەينەتكەردٸ WhatsApp مەسسەندجەرٸ ارقىلى تەۋلٸك بويى باقىلاۋدا ۇستاپ, وعان تۋىستارىمەن نەمەسە بٶگدە ادامدارمەن سٶيلەسۋگە قاتاڭ تىيىم سالعان. تٸپتٸ, ونى بانككە جەتكٸزۋ ٷشٸن ارنايى كٶلٸك جٸبەرٸپ, جول بويى جٷرگٸزۋشٸمەن تٸلدەسپەۋدٸ نۇسقاعان.
قالعان سومانى اۋدارۋ ٷشٸن بانك بٶلٸمشەسٸنە كەلگەن ەيەلدٸڭ مازاسىز مٸنەز-قۇلقىن بايقاعان بانك قىزمەتكەرٸ بٸردەن كٷدٸكتەنٸپ, پوليتسيياعا حابار بەرگەن. وقيعا ورنىنا جەدەل جەتكەن تەرتٸپ ساقشىلارى قوسىمشا زاڭسىز ترانزاكتسييانىڭ الدىن الىپ قانا قويماي, زەينەتكەرگە بۇرىن اۋدارىلعان قوماقتى قارجىنى قايتارۋعا دا كٶمەكتەستٸ. وسىلايشا, قارت كٸسٸلەردٸڭ كٶپ جىلعى جيناعى تولىقتاي ساقتالىپ قالدى. ٶز كەزەگٸندە زەينەتكەر مەن ونىڭ جۇبايى پوليتسييا قىزمەتكەرلەرٸنٸڭ كەسٸبي شەبەرلٸگٸ مەن جەدەل ەرەكەتٸنە شەكسٸز العىستارىن بٸلدٸردٸ.
