پاۆلوداردا قۇرىلىس جٷرٸپ جاتقان ٷي قۇلاپ, سالدارىنان ٷش ادام جاراقات الدى. زارداپ شەككەندەر №1 قالالىق اۋرۋحاناعا جەتكٸزٸلدٸ, دەپ حابارلايدى "ۇلت اقپارات" وبلىستىق تٶتەنشە جاعدايلار دەپارتامەنتٸنە سٸلتەمە جاساپ.
دەپارتامەنتتٸڭ Instagram پاراقشاسىنداعى مەلٸمەتكە سەنسەك, پاۆلوداردا تورايعىروۆ كٶشەسٸ, 75/3 مەكەنجايىندا سالىنىپ جاتقان ٷش قاباتتى ٷي جارتىلاي قۇلاعان.
وقيعا تۋرالى حابارلاما ساعات 19:39-دا كەلٸپ تٷسكەن.
وقىس جايتتىڭ ورىن الۋىنا ەدەندەردٸڭ بۇزىلۋى سەبەپ بولعان. ە كٸ قاباتتاعى قۇلاعان اۋماقتىڭ الاڭى - 60 شارشى مەتر.
«تٶتەنشە جاعداي ورنىنا پاۆلودار وبلىسى تج دەپارتامەنتٸنەن 12 قىزمەتكەر مەن 3 تەحنيكا, اپاتتار مەديتسيناسى ورتالىعىنان 3 قىزمەتكەر جەنە 1 تەحنيكا جەدەل شىقتى. قۇتقارۋشىلار زارداپ شەككەن ٷش ەر ادامدى تاپتى. 1987 جىلعى ەر ادام جابىق باسسٷيەك مي جاراقاتى, باس ميىنىڭ شايقالۋى, ساننىڭ جىرتىلۋى, 1996 جىلعى ەر ادام جابىق باسسٷيەك مي جاراقاتى, باس ميىنىڭ شايقالۋى, وڭ قولىنىڭ جىرتىلۋىمەن جəنە 1993 جىلعى ەر ادام ناقتىلانباعان دياگنوزبەن اۋرۋحاناعا جەتكٸزٸلدٸ. اپاتتار مەديتسيناسى ورتالىعىنىڭ قىزمەتكەرلەرٸ العاشقى مەديتسينالىق كٶمەك كٶرسەتتٸ» دەپ حابارلايدى تجد.
قۇقىق قورعاۋ ورگاندارى قازاقستان رەسپۋبليكاسى قك 277-بابى بويىنشا سوتقا دەيٸنگٸ تەرگەۋدٸ باستادى.
وقيعانىڭ سەبەپ-سالدارى انىقتالىپ جاتىر.
