Pavlodarda qurylys júrip jatqan úi qulap, saldarynan úsh adam jaraqat aldy. Zardap shekkender №1 qalalyq aýrýhanaǵa jetkizildi, dep habarlaidy "Ult aqparat" oblystyq tótenshe jaǵdailar departamentine silteme jasap.
Departamenttiń Instagram paraqshasyndaǵy málimetke sensek, Pavlodarda Toraiǵyrov kóshesi, 75/3 mekenjaiynda salynyp jatqan úsh qabatty úi jartylai qulaǵan.
Oqiǵa týraly habarlama saǵat 19:39-da kelip túsken.
Oqys jaittyń oryn alýyna edenderdiń buzylýy sebep bolǵan. E ki qabattaǵy qulaǵan aýmaqtyń alańy - 60 sharshy metr.
«Tótenshe jaǵdai ornyna Pavlodar oblysy TJ departamentinen 12 qyzmetker men 3 tehnika, apattar meditsinasy ortalyǵynan 3 qyzmetker jáne 1 tehnika jedel shyqty. Qutqarýshylar zardap shekken úsh er adamdy tapty. 1987 jylǵy er adam jabyq bassúiek mi jaraqaty, bas miynyń shaiqalýy, sannyń jyrtylýy, 1996 jylǵy er adam jabyq bassúiek mi jaraqaty, bas miynyń shaiqalýy, oń qolynyń jyrtylýymen jəne 1993 jylǵy er adam naqtylanbaǵan diagnozben aýrýhanaǵa jetkizildi. Apattar meditsinasy ortalyǵynyń qyzmetkerleri alǵashqy meditsinalyq kómek kórsetti» dep habarlaidy TJD.
Quqyq qorǵaý organdary Qazaqstan Respýblikasy QK 277-baby boiynsha sotqa deiingi tergeýdi bastady.
Oqiǵanyń sebep-saldary anyqtalyp jatyr.
